Ilmend n tuγalin n yinelmaden γer leqraya useggasen 2015/ 2016, imawlan n yinelmaden tteqsaden s waṭas tiḥuna ideg iznuzuyen dduzan d tγawsiwin n leqraya, akked tiḥuna i ittewxeṣen i lebsa n warac imecṭaḥ. Maca tuget n yimawlan n yinelmaden sḥasfen aṭas γef leγla id-ibanen di lbiε n dduzan n lakul, imi adlis n 120 n yisebtar yeswa 45 n yidinaren, tafelwit 300 idinaren, aqrab ger 1500 d 2800 idinaren, imyuyen n wannuγ ger 120 d 200 n yidinaren…atg. Γef yiles n kra n yemdanen, nnan dakken amdan yesεan ger 03 d 04 n yinelmaden, ur-yezmir-ara ad-iqabel taswaεt. Γef aya mera imawlan n yinelmaden sarmen ad-tuγal rrxa, syen sutren deg yemḍebren taεna temsalt akken ad-gren tamawt i weγbel-agi, akken ad-tenqes taεkkemt γef yimawlan n yinelmaden, d usebγes n waḥric n leqraya.
Islam Bessaci