Asqamu n tfaska tadelsant taγelnawt n usaru amaziγ yesudes-d Tazrigt tis 14 n tfaska n usaru amaziγ deg wexxam n yidles Mulud at Mεemmar di temdint n Tizi-Wezzu s usentel « amezruy n zik ɣef ljalt n yimal ». Leqdic yebda ass n ssebt 17 almi d 22 tuber 2015 γef teγzi n 06 n wussan. Azal n wis-23 n isura n sinima i yettekkan di temzizelt n tzemmurt n wure&gamma,; s yisental yemgaraden i usebγes n yelmeẓyen ara d-yufraren. Dγa isura-agi bḍan γef 04 n yeḥricen, 06 n yisura γezzifen, 10 n yisura wezilen, 04 n ṛupurtajat akked 03 n isura yettḥariken. Akken i jarden deg ahil n tmesbanit-agi tadelsant ussan n tezrawt γef usebγes n sinima ara-d-xedmen imusnawen i ittewxeṣen deg uḥric-agi s uzwel « sinima s tamaziɣt, tagzult d yimal deg yimer n tiknulujyat n tɣamsa d uṣiweḍ » d « tiwetlin n usedder n sinima Tazzayrit ». i tama niḍen llan isakwanen n taklut, annu&gamma,; taɣuri n sinima, lmanga, isenfaren n sinima d waṭas niḍen. Ad ner lwelha belli leqdic n tfaska-agi ad-yeddu di 04 n temnaḍin niḍen n ugarzu n Tizi-Wezzu, gar-asent; Wizgan, Larebεa nat iraten, Draε Lmizan akked Tigzirt. Tafaska -agi di Tizi-Wezzu d-akaz (Reconnaissance) n ttεebga ẓẓayen n tutlayt tamaziγt di tmurt n Lzzayer, d wayen id-tefka temnaḍt-agi n Tizi-Wezzu i yedles azzayri sumata. Tamesbanitt-agi d asnarni akk d unegmu n usaru amaziγ iwakken ad-yesεu amḍiq-is deg maḍal ger lejnas ». Leqdic n tfaska-agi d win ara yekfun ass n 22 tuber id-iteddun.
Islam Bessaci