Tayerza id -yewwin aneɣlaf n daxel mass nureddin bedwi ɣer lwilaya n tubiret iberḥed akken imdanen ad uɣalen ad d-sufuɣen nkawi si tɣiwanin ideg ttidiren ,am wakken id-iwekked ilaq ɣef yemdanen ad ṭṭfen deg wallalen tatiknulujit akked usnerni-is akken ad tilli tedbelt teqreb ɣer yemdanen ,ilmend n tyerza-a ibed uneɣlaf ɣef waṭas iṣenfaren icudden ɣer tedbelt imi iswi n lḥukuma d asnerni n tedbelt di yal taɣult id-yesufuɣen lekwaɣeḍ i yemdanen ,anda id-ibegen si tɣiwant lexḍariya ara yebdun ad d-sufuɣen lekwaɣed n tmagit yemgaraden am nekwa ,Si tama nniḍen iwellah ixeddamen n tɣiwanin akken ad ṭṭfen di tiknulujit tamaynut iwakken ad xeddmen di tegnatin igerrzen ,Rnu s annect-a ad tifsis teɛkumt ɣef yemdanen imi rwan lmeḥna deg usufaɣ lekwaɣeḍ , yerra yefka ttiɛad i tɣiwanin nniḍen akken ad bdunt deg uṣenfar-a deg ayyur n yennayer 2016 ,Si tama nniḍen yessutur nurredin bedwi seg yimḍebren n lwilaya ama d lwali neɣ d iselwayen n tɣiwanin s usejhed lxeddma akken ad yenerni uḥric n tdamsa aɣenaw imi yessaram d lwilaya n tubiret ara yuɣalen d aḥric ameqqran di tdamsa ma yella fkan ljehd nsen deg uxeddim s yiṣenfaren unegmu iwakken ad ternu deg ugemuḍ n tdamsa lezzayer ladɣa di tallit-agi ideg nella , Nureddin bedwi i kemmel tayerza-nes ɣer tɣiwant leṣnam anda yefka ttiɛd ad bnun anda ara ttheggin srabes uselek imi yettuneḥsab d amezwaru di tefriqt d wis kraḍ deg umaḍal , yerza daɣen ɣer waṭas n temnaḍin s usefqed n yiṣenfaren anda iwḍen am tɣiwant n beclul akked ladayra n Ain bessam timaynutin maca yerra lwelha- nes ɣer liḥala n tedbelt , s yin yuɣal ɣer tmanaɣt n lwilaya yeldi yiwen wannar n dabax i lfayda ilmeẓyen n tubiret .
Menas Abdelhak