Ussan-a yuzel wawal ɣef umkan ara d-isaḥen i tmaziɣt deg tmendawit d-yettenfufuden.
Deg tebrat d-yuzen i wegdud, unbir-agi, Bouteflika ilemmeḥ-d iwaya. Aṭas n “les voix autorisées” d-yemeslayen i kra n yiɣmisen nnan belli aselway n tmurt i ɛewwel s tidet, ad inesseb tamaziɣt. Rnu, ɛlaḥsab “les voix-agi», lukan tcud temsalt ar Bouetflika kan, tili tamaziɣt d tunṣibt acḥal-aya. Lmaɛna n wawal belli llan gar
yimḍebren n Tmurt ur yeɛǧib ara lḥal. Ayen d-wekden lebɣi n usenṣeb n tutlayt tamaziɣt, dayen yeḍran deg parlement di tɣimit-is n tefsut. Ass-nni, i tikkelt tamazwrut deg umezruy n parlement, “yefreq” Ould Khlifa aḍris s tutlayt tamaziɣt, s tlata n yigemmayen (talatinit, taɛrabt akked tifinaɣ).
Rnu ɣer-s ma yella dɣa d sseḥ tamendawt-a d-iteddun d tin n ttifaq, ula amek ur d-tettili ara tamaziɣt d tunṣibt, imi ulac akabar , neɣ udem asertan n tmurt i yugin ad tettuneṣeb tmaziɣt. Lḥasun, ayen akka d-yettbinin yettfilit ar lxir. De toute façon ulac lxetyar. Ya tamaziɣt d tunsibt, neɣ d Taqbaylit ara ineṣeben iman-is s yiman-s s wakken d wamek twa….. Maɛna aya d abrid nniḍen.
Ma d Yidir yegguml ur yicni di Tmurt ala tuɣal tutlayt-is d Tunṣibt.
T.Ould Amar