Ur yewwiḍ ara useggas ɣef tedyant n Charlie, terna-d twaɣit nniḍen di tlemmast n Lpari. Tawɣit n ljemɛa iɛeddan tegla s ugar 120 n yimdanen yemmuten, ṭṭaqa deg-sen d ilmeẓyen. Mara nmuqel s abaxix-agi aneggaru, ad naf belli tikkelt-a rebrab ur yeqsiḍ ara azamul, akken d-iban di twaɣit n Charlie Hebdo, imi irebraben wwten tilelli tanfalit. Tilelli-nni i d asen-yesexraben azeṭṭa. Rnu ufan-d tisebbiwin. nnan-ak aɣmis-nni yeččemit deg tugna nnbi Mohamed. Atan ihi, ɣas ulac akk d acu ara yessusmen ɣef rebrab, deg tedyan n Charlie nezmer ad “nefhem” tikli akked d tikti n yiččamraren.
Tikkelt-a, rnan asurif ar zdat. Ɛeddan akkin i uzamul , wwten tudert. Lḥasun d ta i tafellaḥt n yiɛdawen n tudert akken ten-isemma Lwennas. Tikkelt-a rebrab, ur yesemgarad ara gar wa d wa. Tikkelt-a iɛewwel i trad, imi d agdud d imdanen n menwala i yenɣa.
Ass-a, Fransa tettwet anda ur turji ara tita.
Wis ahat, ma d-taki, ma tbeddel tikti ɣer temsalt-agi n tneslemt d rebrab. Am nettat, am tmura n l’europe neɣ daɣen Marikan, ur ɛad wweten azrem s aqerru. Yal tikkelt ara d-yeḍru kra di tmura nsen
ttadden s lmeslaḥ mgal irebraben. Aya dayen i ilaqen ad yili. Lamaɛna aya drus. Imi Aqerru n wezrem mačči d akamikaz-nni neɣ d rebrab yesndayen lbubmat. Aqerru n wezrem d l’idéologie i ten-id-yurwen.
Anda-t uqerru-agi n wezrem ? Atan deg Saɛudiya, Qatar akked tmura nniḍen i ifaḍen s pétrole. Imi deg-sent lfayda, tezga Frnsa d tmura n l’europe sqizziben-asent. Rebrab yella u simal yettimɣur skud tella tedrimt t-iseččayen. Ihi, aqerru iban webrid-is. Ur yettfak ara laɛǧib-agi n rebrab alamma yettwet wezrtem s aqerru. Ahat, tikkelt-a ad d-akin u ad ḥsun belli ɣas ulamma sɛan lfayda (n tedrimt) d tmura-agi taɛrabin , lexsara ara sen-yeḍrun, skud qnen tiṭ, isem-is tilelli.
D lawan ad ɛeddin akkin i Nek d Lpari neɣ Nek d Charlie u ad walin abrid ara yessufɣen ɣer talwit. Mi wwḍen, mačči ḥala nutni ara yesfaydin. Ula timura-agi taɛrabin ad sfaydint.