Tadwilt tis tam (8) n tfaska taɣelnawt n uẓawan amaziɣ, yettwabudden akk i tantaliwin n uẓawan-agi azzayri, ad d-yili ger 19 d 24 duǧambeṛ d-iteddun di Tamenɣest, id-aɣ-d-nnan imsuddsen.
Timlilit-agi d-yettilin yal aseggas tuɣal d tagnitt iwatan i trebbuyaɛ timaynutin tilmeẓyin n uẓawan n wenẓul dɣen d tagnitt iwatan i ubeggen n uẓawan amensay n temnaḍt n uheggaṛ am tindi neɣ limzad. Tafaska yettnadin asekfel n yitran imaynuten d uḥareb ɣef yiwen n ṣṣenf n tnettit tazzayrit, tessuddus daɣen timaɣriwin di tamiwin ibaɛden n Tmenɣest am In Guezzam d Tahabort. Deg wussan n tfaska, tamanaɣt uheggaṛ ad d-tessuddes daɣen tafaska tageraɣlant tis seddis Abalessa Tin-Hinan yerzan taẓuṛi n uheggaṛ, tamesbanit tageraɣlant tawhidt d-yettilin deg wenẓul n tmurt niqal tettuhegga-d deg wayur n wember.
APS