Deg lawan deg tamurt n Lhend( inde) tefra-tt d ṛṛay akken ad ẓẓun azal n xemsa imelyan n isekla , deg lawan deg nejmaɛen leǧnas, ddaw tacḍaḍt n l’ONU di tamdint n Lparis, akken ad afen tifrat i weɣbel n zyadda n lḥamu deg tizeɣlin( temperatures deg umaḍal, nekni d agi ɣer-nneɣ ur d ufin ara anda ara weqmen abudu i wafrasen bexlaf tiẓgi n Bouhalou id yezgan deg aɣrib deg lɛerc n At Jennad. Tiẓgi agi id yezgan ddaw ubrid aɣelnaw 71 mačči kan d aɣbalu n ubeḥri ḥlawen i yimezdaɣ n temnaḍṭ -agi, tella diɣ n amḍiq n usgunfu anda imdanen ḥamlen ad rzun akken ad ksen cwiṭ n lxiq, ɣef tiṛwiḥin-nsen, mebla ma nettu lfayda-s tadamsant imi mačči d izli n-iqqecci id yettwaksen seg-s. Xuḍi lɣaba-agi tettuneḥsab gar tiẓegwa mechuṛen deg tmurt n leqbayel.
Isalen iɣ yettawḍen qqaren-d d akken Lwali n Tizi-Wezzu yeɛzzem ad yebnu din-a asarij i yiḍuman akked wafrasen ara yeččen azal n 8 yikatren- héctares- seg teẓgi-agi ur nuklal. Ɣef aya imezdaɣ n lɛerc n At jennad ikcem-iten reffu, ugin taxazabit-agi ara d yeglun s lemḍera i wayen ɛzizen ɣef ulawen-nsen: isekla akked tagant( la nature). Azal n 2000 n yemdanen id yestenyan rrabul( petitions) akken yir asenfaṛ( projet)agi ad yettwakkes, imi ɣef akken ttwalin nitni a yagi d-atɛeddi neɣ d anɣa( crime) mgal agama. Timacinin yettwaceyɛen ɣer umkan akken ad bdun-t lebni n ubudu-agi, ttwaḥabsen-t sɣuṛ imezdaɣ n Uɣrib mačči d yiwet n tikelt. D ayen id yewwin ula d lwali s timmad-is ad yerzu ɣer din ass-n n 16 deg aggur agi deg nella akken ad yesɛeddi, s ssif, asenfar-agi ugin medden . Zzun d zzit ɣef tmes, tirza-agi n Lwali terna tesmenteg reffu n imezdaɣ n At Jennad yugin lmenker yecban wagi.
Amek id ixf-is, amek id tifrat n tadyant-agi? D ussan kan ara d yinin. Maca yettɣaḍ nezzeh lḥal ad iwali umdan ayen ɣef seḥrarben lejdud-nneɣ d leqrun aya, ad yenger kan akka s ssebba n yir amteddu n lecɣal akken iwata. Meɛna di tmurt anda amdan s timmad-is yella kan d war azal, anwa ara yeggen ccan neɣ leḥsen i tiẓgi neɣ i useklu: agrireb ( ɣelluy) uqbel ad yili deg ifri yella di ṛṛay id nnan imezwura.
Ait Slimane Hamid