Tiṭ tettru fell-ak , tettru ɣef tmurt-nni ɣef i t-tennuɣeḍ , temmuteḍ d aɣrib anda akken ulac azwu n wakal-ik , anda akken tasa terɣa ɣef yimal yeǧǧan tamurt n Lezzayer , ass-a mačči d tajmilt kan i t-tuklaleḍ , ilaq adlis umezruy a t-nelli i wakken anwali asni d-tekkiḍ ,d wanda teddiḍ i wakken wid umi teɛraq tansa ad t-id-afen , win yuysen ad izer belli asirem yettili deg wul umennuɣ.
Γas sgunfu ar tama n wid-nni yefkan iman-nse i lmut i wakken aseklu n tudert a d-yeḥyu , ass-a kečč ruḥ di talwit nukni mazla-aɣ deg wubrid-ik
Ulac tin ur yezrin
deg wass-mi tebda
ar ass-a sebɛin
mazal ur yekna
ad arun lesnin
d amedya i lebda
Yugi ammus
yugi lbaṭel
Γas laḥbus
Ur ifečel
yesbar mačči drus
Yeqqim d lefḥel
Yugi akersi
Yumen s tugdut
Yugi iɣisi
Ger warraw tmurt
Yebɣa ad T-tezdi
S wezref d ttbut
i kečč ay ameɣnas
Tigawt d wawal
Tamuɣli s leqyas
D usrid ur imal
Ankemel s tissas
Tmurt ar waraw-is……….a ttuɣal
Dahmani Bilal