Timetti taqbaylit d yiwet n tmetti yettwasnen s leɛwayed d wansayen id ǧǧan yimezwura ama d lejdud neɣ d tasuta id aɣ-d yezwaren anda is ḥefḍen i waraw nsen akken ad ṭfen deg wansayen-agi , gar wansayen -a ad d naf timecredt , tiwizi , asfukel n yennayer , ayaggi akk yes i ttwasnent tudrin leqbayel s leɛwayed n lejdud s yin akkin ad d naf yiwet n taddart i yeṭṭfen ula d netta deg wansayen -agi taggi d taddart n at racced id-yussan deg usammer lwilaya n tubiert meḥsub d yiwet seg tudrin leqbayen i mazal ar ass-a d wussan seqdaccen ansayen n zik imi xeddmen ass n tlata iɛedda yiwet n tmecredt d tameqqrant s wazal-is ilmend n lmulud anda ttekin akk imezdaɣ id-yezzin i tama-agi azal n 600 twaculin i yellan di tegnit-a imi d tagnit anda temlal tassa d way turew wwind , am wakken nezmar ad d-nnin ula d wid ur yesɛin ara ama d iẓawaliyen neɣ d imeɣban fkan-asen amḍiq nsen ɣas akka tefraɣ taxṛit nsen si tedrimt ur ten-ǧǧin ara ad ɣaben ɣef tmeɣra-agi ixeddmen acku tagnit ara yesferḥen akk tiwaculin n taddart-a rrnu ɣur-s ad illin di ttiɛad akken ma llan ,ɛlaḥsab iɛeggalen i qeddcen di tmecredt-a nnan-d belli nesaweḍ s yidrimen ijemɛen uɣend 6 n yizegran imi aṭas n twaculin i yellan di ttiɛad ,Rnu ɣer waya yal tawacult neɣ yal taxxamt fkan 2000 idinaren i yal tawacult ḥaca wid ur yesɛin ara dacu kan ɣas akka ur d-mmuden ara ameɛa ula d nutni ad awwin lḥeq , Si tama nniḍen wekkden-d ass n tmecredt akk imezdaɣ ttilin ama d imeqqran neɣ d ilmeẓyen ladɣa imeqqranen n taddart imi d nutni iwumi fkan azal s waṭas s yesen i tleḥu taddart acku tignatin yecban tiggi tettilid s ɣur-sen anda id -mmalen amek ara xeddmen meḥsub amek ara tili lewziɛa neɣ ajmaɛ n yidrimen ,Dacu kan ayen ifazen di temlilit-a akk ilmezyen n taddart ass n tmecredt ttajan ula d axeddim nsen iwakken ur sen -tesfat ara tagnit amzun d ass yemgaraden ɣef wussan nniḍen ttakend afus lemɛiwna yerna akken ad issinen ad cfun iwayen xeddmen ,Ayen id-yufraren daɣen di tmecredt-a ula d tameṭṭut tesɛa azal-is imi ttikent ula d nutenti s wayen nniḍen imi yal axxam ad d-naf yal ta dacu tetthegi neɣ tesewjed di lweqt-nni imi xeddment tibaqiyen n seksu s wacḥal isufar aten-ceyɛen ass-nni ɣer umkan ixeddmen timecredt acku hesben-tt d sadaqa rrnu s annect-a begnen-d kra n yimezdaɣ ɣef leqdic-agi d tagnit anda ndeɛu ɣer Rebbi sebḥanu sayen lɛali ɣer lxir ad tenerni tegmat gar taddart-a am wakken d tagnit anda deɛun ɣer Rebbi iwakken ad d-awwet lehwa imi azal n kra sin wayyuren ur d-wwit ara akken ad tekker tfellaḥt , yella-d daɣen nehu n yilmeẓyen ɣ wayen ddiri ad ksen tiɛdewt yella gar yemdanen di tama-agi ḥaca ayen lɛi ara d-yezzin di temnadt-agi akken ad tejujeg ad tenerni di ccan n taddart am wakken timecredt-a ad teqqim d ansay ur yettwattun ara ad ṭṭfen deg-s am akken tella d amedya i tudrin leqbayen id-sbegnen s wudem yesefraḥen s wayen akk icudden ɣer tmetti taqbaylit ama s wansayen neɣ leɛwayed i mazal jehden di tama-agi n at racced ihi nnan-d nessaram akken ur ttaken ara afus di leɛwayed n zik ad teqqim d amezruy n taddart akk d cfawat i tsuta id i teddun
Abdelhak Menas