Ḥusin ayt Ḥmed ilul ass n 20 deg ɣuct deg useggas 1926 deg taddart n wat Ḥmed n wat Yaḥya deg ∑in El Ḥmmam (Micli) n Tizzi Wezzu , isem-is Muḥend u Lḥusin , terra-d yemma-s isem n gma-s Ccix Muḥend u Lḥusin , (d xali-s ), dda Lḥusin seg wasmi ila 16 n yiseggasen deg le mer-is yella deg tesnawit mi yeččur wul-is d leḥmala n tmurt ,Ayt Ḥmed ger yimezwura n yisulas n tmurt i inuḍḥen fell-as, ulac win ur t-nessin ara d agrawliw n tidet , d bu yiseɣ d nnif, bu tirrugza , d amedya n yimeɣrasen, yecban Muḥmed Buḍyaf, Muḥmed Xider, Krim Belqasem, Rabeḥ Biṭaṭ, d wiyaḍ mačči d yiwen ad d-yeched fell-as umezruy n tmurt Lzzayer , limer mačči d ameɣras-agi tili ass-a ur tettili tlelli wala timunent n tmuert-nneɣ, ur yeğği ara amcum arumi ad aɣ-yeseddu akken yebɣa, ɣas akken srewten deg ugdud azzayri maca azamul-nneɣ n tdukkli yessaweḍ yesazdeg tamurt seg ujrad d-yeɣlin fell-aneɣ, dda Lḥusin d win iḥurben ɣef yizerfan n umdan , yexdem akken iwata tasertit , yella daqerru ɣef ukabar n( FFS ), seg useggas n 1963,ḥemmlen-t leqbayel meẓẓi meqqer, argaz tameṭṭut ,bɣan akk ad yili d aselway n tigduda maca ur yeqbil ad yili d amesbaṭli , d bu sin wudmawen , iswi-ines mačči akken ad t-id walin medden d aselway , iswi-ines d tadukkli d tegmat ger yizzayriyen mgal amnamar (a daw) arumi, awi-d kan lzzayer mačči d tafransist, ayen yes a deg wallaɣ-is d agerruj drus i yellan am netta, ayen yexdem, ayen inuḍaḥ ɣef tmurt n Lzzayer d amezruy ad t-id yinin i tsuta ad d-iteddun , ayen i d-nenna fell-as drus ,ayen d-yeğğa ara d-icehden fell-as, dda Lḥusin seg waswi yettwanɣa, Muḥmed Buḍyaf i iruḥ ɣer lɣerba , yettas-d kan mi ara d –smekti tmurt tagrawla n 1954, yefka tarwiḥt-is d asfel ɣef tmurt, ula d yemma-s mi tuweḍ le fu n Rebbi ur tt-iwala deg useggas n 1983, akka i t-xeddem tayri n tmurt d -yeffɣen seg wul zeddigen , sɣur imeqqranen .Argaz –agi l ali yuweḍ le fu n Rebbi ass n 23 deg duğember 2015, s yiwen waṭṭan,deg lɣba deg (la Suisse) ayagi yeğğa leqbayel qlalḥen akken ilaq , i ten-yeğğan gugmen , wehmen, zzan imi tejraḥ tmurt n Lzzayer , tettru ayagi iban-d deg temḍelt-is deg taddart-is At Ḥmed , ulac win ur d-nusi ara ɣer lğanaza-s ,d ayen walan medden akk , yeğğa-aɣ usalas , uzamul n tdukkli d yiseɣ , deg le mer-is 89 iseggasen,yemḍel tama n yimawlan-is deg zzawiya (lemqam) n ccix Muḥend u-Lḥusin , ad t-yerḥem Rebbi , a iṣebber tamurt Lzzayer , ahat ad as-d-yili i tmurt-nneɣ yiwen am dda Lḥusin Ayt Ḥmed tikkelt niḍen !! .
Zakia Ben Yahia