Akka tura, segmi i d-yekcem useggas amaynut n 2016, imezdaɣ n twilayt n Bgayet, akka am wid n tmurt n Leẓẓayer s-umata, tatafen iɛebbaḍ nsen ɣef ayen yaɛnan timerniwt n ssumat n yisufar n wučči lakked d-usiweḍ. Ussan-a, mazal ɛad ur d-iban ara kra ɣef ayagi. Ama d yizegza, igumma, neɣ tuččiyin nniḍen s-umata ulac akka amaynut deg ssumat taswiḥt-a ! Ula d-aṣiweḍ ulac d-acu yernan. Asikel ɣer yal tama dagi deg twilayt n Bgayet ur i beddel ara ssuma. Akken neẓra, liṣunṣ d lmaẓut rnan seg wass-nni n 1 yennayer yezrin. Ayagi, iban, dayen ar ad-yawin timerniwt deg waṭaṣ n yeḥricen. Maca, ɣas akkeni ussan-a ulac kra n laɣla, imezdaɣ n twilayt-agi ẓran belli ttamsalt n kra n wussan kan. « Aqlaɣ n ttfaraṣ ussan. Zriɣ belli kulec ad yali. An xelleṣ ayen ur nečči. ahaw-t kan! » akka iɣ d-yenna yiwen n bab twacult deg tama n Weqbu. Akka, am Mas-agi, medden ẓran belli timerniwt ad d-tili assa neɣ azekka. Ussan-agi kan, imeṣiwḍen n yisufar (transporteurs de marchandises) gezmen abrid aɣelnaw wis 9 akken ad begnen lɣiḍ nsen ɣef timerniwt n liṣenṣ yagi. Sya u sya, nesla belli wid ikesben ifurguten lakked lkiran aten-ad temcawaren akken ad rnun summat n-usikel (γoyage). Wagi dayen ibanen, imi zyada deg liṣunṣ akked lmaẓuṭ taɛna-ten srid, imi nutni s yisufar-agi i teddun ikumya-nsen ! Trisiti, ula d netta-t terna. Wid i « tetten » nnig n 250 ikiluwaṭen i useggas ad xelṣen laɣrama. Akka, tikubaniyin i xedmen deg twilayat-agi yezmer lḥal ad rnun-t i yisufar id ṣenɛen-t. Acku, timacinin i ssaxdamen-t teddun-t akkit s trisiti. Tiwaculin ɣurṣen-t daɣen timerniwt-agi n trisiti, ilaq kan ad cuḥen-t i tafat! Ula d leqhawi n Net waqil ad rnun-t i ssuma n-ucuddu ɣer linternet (connexion à l’Internet). Ma nessiwzel ameslay: aṭaṣ n « tlufa » traǧun-t » imesuddar (les consommateurs) acku, aṭaṣ daɣen n yisufar ar ay-rnu-n. Cuddet kan ibugas nwen a ddin uqabac !
Syphax Y