Mass Muḥmed Tudaft d win iḥemmlen addal , yella d amyaru deg yiwen uɣmis n waddal , d netta i d aqerru ɣef leqdic adelsan , yebɣan inelmaden n Rğawna ad ḥemmlen ula d nutni addal ɣas imi d inelmaden n uswir alemmas , yelha-asen waddal deg-s ad snernin allaɣ-nsen wa ad ḥadren tazmert-nsen ,akken qqaren allaɣ iseḥḥan deg tfekka iseḥḥan , yettawi-ten yal ass n waram ɣer wannar n Qasi AξLI d-yezgan mi ara tkecmeḍ ɣer Draξ Ben Xedda , tturaren deg mraw d yiwen (11) yid-sen mgal terbeξt n uɣerbaz niḍen ,akka ilaq-asen imi leξmer-nsen yewξer aṭas kečmen deg tnuba ( l’ adolescence) , ttiwξiren aṭas , addal ur sen-yettağğa ara ad ffɣen i ubrid amedya : ad kiyfen duxxan , neɣ ad swen crab d wayen niḍen, imi mačči ḥaca leqraya n temsirin kan i yellan ilaq-asen ad gren iman-nsen deg leqdic adelsan yecban wagi, ad naf fkan-asen iselsa d ṣebbaḍ , kerrun-asen-d sin ifurguten tteqlaξan tasebḥit, ttuɣalen-d tameddit , ulac amennuɣ wala ccwal tturuḥun s tumert ttuɣalen-s s tumert imi Mass Tudaft ttqadaren-t ttaɣen-as awal yerna tturebban , nessaram deg yal aɣerbaz ad asen-xeddmen akka i yinelmaden deg-s lfayda tameqqrant , imi ttrebga mačči d leqraya i tt-d-yettawin ula d addal d abaɣur abeξda i yinelmaden n yiɣerbazen.
Zakia Ben yahia