Ass n acer yezrin 07 deg furar tidukkla yettξawanen wid yuḍnen tigeẓẓal ξerḍen-d imejjayen yettwaxeṣṣen i tukksa n tgeẓẓal seg tfekka ɣer tayeḍ , imejjayen-agi xedmen-d asarag (la conférence) deg sbiṭar n Neddir Muḥmed , wwin-d awal ɣef yimdanen yettaken tigẓelt-nsen i win itt-yeḥwağen, nnan-d deg tmurt n Lzzayer kan i ttkukrun tukksa –agi n tegẓelt , ɣas ma yella n twacult n umuḍin ad tafeḍ ikukra yugad , imejjayen-agi nnan-d nebɣa tifekkiwin n wid yemmuten lxerssum ,acku deg tmura n lberrani ulac akk aɣbel ama d tafekka n win yemmuten ama n wid yeddren ,awi-d kan ad allen amuḍin ad yejji maca deg tmurt-nneɣ qqaren –ak wa d gma ta d yemma amek ara ffkeɣ tigẓelt n win aξzizen ,akka yakk ittxemmimen ; imejjayen –agi sḥasfen aṭas aṭas ɣef wugur-agi ameqqran , tidukkla –agi tettwaxelq-d deg furar aseggas n 2014, wigi ttwelihen ttξawanen ama d imuḍan-agi, neɣ wid yebɣan ad fken tigzelt,ttmeslayen yid-sen segzayen-asen-d akken iwata amek ara qeblen deg wallaɣ-nsen ad fken tigẓelt-agi, ula d aselway n tɣiwant n Tizi wezzu Mass Mangellat yefka-d adrim i tdukkla agi , d-yezgan deg temdint tamaynut aṭas ur tt-nessin ara , llan kra n yimuḍan ur ɣrin ur sξin adrim ad ruḥen ɣer wa ad uɣalen ɣer wa , llan kra ad ruḥen ɣer sbiṭar n Msetfa Baca , netta mačči ɣer din ara ruḥen ilaq ɣer Bni Mesus am wakken id-yenna yiwen gar yimejjayen-agi id –ixedmen asarag,mi yebda usarag deg tazwara tmmeslay-d tdukkla-agi tenna-d aqlaɣ dagi ilmend n yimuḍan d wid ara yefken tigẓelt-nsen , ad ten-nξawen ama s udrim ama s wawal akken tanefsit n win ara yefken tigẓelt ad tili tertaḥ , yerna teqbel , ur ilaq ara ad aggaden imi aqerru ɣef tdukkla-agi d win ijerben aṭṭan-agi, yuɣal yuwi-d awal Mass Zziri yemmeslay-d ɣef wamek zerξen tigẓelt deg tfekka s umata, yuɣal yemmeslay-d Mass Siba ( bilans et perspectives des greffes au CHU de Tizi Wezzu), amek d-tettili deg Tizi Wezzu tukksa n tegzelt , yaɣal yemmeslay-d Mass Badawi (le suivi et les bonnes pratiques en transplantation rénale) d netta i yestkelfen ɣef temsalt-agi , acḥal i ilaqen n tgeẓẓal ara d-yettwakksen i yimdanen neɣ i tfekkiwin yemmuten , akken daɣen acḥal imuḍan ara ten –izerξen , yuɣal yemmeslay-d umejjay yettwastkelfen i tukksa n tegẓelt Mass Belasla,( le prélèvement sur cadavre ) yenna-d, nebɣa ad d-nekkes seg tfekkiwin n win yemmuten , imi wigi yeddren nettaf ugur , yella wanida d sebba n lxuf, neɣ ur mwalament ara , nutni iswi-nsen d wagi ad d-kksen seg tfekkiwin n wid yemmuten ayaxir wala ad nettḥellil wiyaḍ, yuɣal yemmeslay-d Mass Nexla ( les techniques chirurgicales en transplantation rénale) amek d-yettili wayagi akk, aneggaru d yuwin awal d Mass Bulasel ( législation du don d’organes) mačči kan akka id –tekksen tigẓelt mačči am tuɣmest ilaq ad yeḥder umejjay-agi yettwastkelfen s lqanun neɣ n yizerfan, akka yekfa usarag s usirem n yimejjayen-agi akken ad fehmen yimdanen belli ulac fell-as ma kksen-d tigzelt n win yemmuten , awi-d kan ad d-ḥyun amuḍin, imi win d-yeḥyan ṛṛuḥ am akken yeḥya-d akk ddunit , d wagi i d iswi n tdukkla mebla ma nettu iswi n yimuḍan ad asen-d –yefk Rebbi cfa.
Zakia n yahia