Ass n 15 deg waggur n furar aseggas n 1995, Nabila Ǧaḥnin, taselwayt n tiddukla “Tiɣri n tmeṭṭut», teɣli s terṣaṣṣin n terbaet n 03 n yirebraben ɣef 10 d wezgen di temdint n Tizi-Wezzu. Tasebḥit tamcumt, Nabila teffeɣ-d deg wemkan n uxeddim-s, akken ad-truḥ ad-teḥder “La sustenance de these” n yiwet n temdakkelt-is di tsedawit n Tizi-Wezzu. Yiwet n ṭumubil tessarked imman-is deg yiwet n wemḍiq, syen 03 n yirebraben I yettwaselḥen fɣen-d akken ad-xedmen lebɣi-nsen. Nabila tettnadi amek ara-tessarwel imman-is, ad-tḥareb ɣef tarwiḥt-is, ur tufi-ara win ara tt-iɛetqen. Yiwen ger yemcumen-nni yeṭṭef-itt-id, yewwet-itt s tarṣaṣt ɣer twenza, iḍlaq-itt di lqaɛa, syen arebrab niḍen yesmar aɛbar n tarṣaṣin ɣef qaru-is. Ass-mi tettwenɣa Nabila Ǧaḥnin, tesɛa 29 n yiseggasen di laɛmer-is, tella “Architecte», terna ɣer watmaten-is izzayriyen d tizzayriyin i iruḥen d asfel ɣef tmurt n Lzzayer. Yura d akken issem n Nabila Jaḥnin ad-yenǧar di lluḥ ad-yeqqim i lebda. Nabila, teqdec aṭas deg umussu n yinelmaden di tsedawit, anda i tuka deg uslluli n yiwet n sindika taɣelnawt n yinelmaden. Syen tlul-d yiwet n tiddukla n tlawin “Tiɣri n tmeṭṭut” i yetwasnen aṭas di tmurt n leqbayel. Imi kra n temliliyin, kra n leqdicat d tmesbaniyin id-thegga tiddukla-agi n tlawin tettejmaɛ-d d lewluf n tlawin, imi tiddukla-agi tesmaḥssis i yal tameṭṭut yenḥafen, naɣ tin yesɛan ugguren akken bɣun illin. Nabila tesɛedday tagara n yal ddurt di tudrin n leqbayel, anda I tettmeslay akked tlawin yef yal taɣawsa, u tettemlili d tdukliwin ama n tlawin ama n yargazen sqardacen iɣeblan yellan u gellun-d s tifrat. Akka, ɛeddan tura 21 n yiseggasen ɣef ɣef tmenɣiwt n Nabila Ǧaḥnin, maca xas truh issaɣ-is yegra-d d anagi ger-annaɣ.
Islam Bessaci