Tesfayed tɣiwant lmuqrani id -yezgan deg umalu lwilaya n tubiret seg uṣenfar tnezduɣt anda sersen aẓru n lsasan ass larebɛa yezrin ilmend ass umeɣras , d aṣnfar ara yesɛun 30 tnezduɣin ara yebdun deg ussan-agi kan id- i teddun d win ara yeṭṭfen aseggas d uzgen 18 wayyuren ɛlaḥsab n tkerḍa i yettwaxesen i uṣenfar-a yerna d win ara yesifsen cwiya si cedda n tnezduɣin i yellan akka di temnadt-a ladɣa tiwaculin ur yesɛin ara akal anda ara bnun , am wakken taɣiwant lmuqrani d yiwet seg tɣiwanin tiẓawaliyin ur yesɛin ara tadrimt tameqqrant ara yeselḥun iṣenfaren unegmu rnu s annect-a id- yellan daɣen ass n tmeɣra umeɣras tesfayded temnadt-a s tɣiwant tamaynut i yessalin lecɣal d tin yesɛan akk allalen iwelmen i uxeddim ara yeǧǧen axeddam ad yexddem di tegnatin ifazzen imi yella ayagi iɛeddan ttafen ixeddamen iman nsen di ṭiq d leɣyab n wallalen ameɛna tura ad tefru teɛkumt n wuguren di lxeddma nsen , am wakken teldi daɣen yiwet n tzeqqa yetabaɛen ɣer tɣiwant lmuqrani di temnadt lḥwadciya ara d-yessufuɣen lekwaɣeḍ i yimezdaɣ-a n tama-a melba ma ruḥen ama d lmuqrani meḥsub d tin ara yesneqsen di leɛtab n twaculin imi sfayden daɣen imezdaɣ lḥwadciya s tzeqqa n tujya anda isefkan isem umeɣras (Lɛeǧal muḥemed saɛid) i yeldin tiwwura-is di taggara n ddurt-agi iɛeddan anda testerḥeb s yimuḍinen i yellan rwan lmeḥna imi ttruḥen ami d ɛin bessam azal 20 yikilumiṭren ɣef taddart nsen , Si tama nniḍen saramen daɣen ad kfun uguren d yiɣublan di temnadt-a imi d yiwet seg temnaḍin umezruy yettwasnen s tegrawla id-immuden 200 yimeɣrasen seg arraw n twaculin di tɣiwant lmuqrani .
Abdelhak Menas