Uggur n lexṣaṣ n tedrimt tabaranit (Euro), d win id-ibbanen di deqs n lbankat n lwilaya n Tizi-Wezzu, di ssin wagguren yezrin (yennayer d furar). Annect-a ibban-d deg yemdanen i itteqsaden lbankat yemgaraden, am BDL n Wizgan, BADR n Yiɛeẓẓugen d tid niḍen, xarṣum wid yefɣen tastaɣt, ttcetkin ɣef lexṣaṣ-agi d laɛḍil id-yellan di laxlaṣ-nsen, imi llan yemdanen ger-asen imɣaren meqqren ttasen-d ɣef 03 n ssbaḥ d araju s zdat n lbankat rnu kkaten-d amecwar ɣezzifen di temnaḍin ibaɛden akken ad-qḍun tiɣawsiwin-nsen, maca ttuɣalen d ilmawen.
Ɣef annect-a, imdanen-agi id-ijebden tadrimt-nsen di lbankat sarmen akken aɣbel-agi n lexṣaṣ n tedrimt tabaranit, ad-yefru ɣef zik lḥal i usenqes n taɛkkemt fell-asen.
Islam Bessaci