Deg wussan-agi iɛeddan i d-yessufeɣ Mass Kader Bouacherine yiwen udlis n tirawalt. Deg udlis-a, ad naf yal asentel s temsirt-is, anda i d-yessegza s telqayt amahil-agi-ines. Leqdic am wa, yezmer ad yili d ttawil i wid yebɣan ad lemden tira n tmaziɣt, ama d inelmaden neɣ wid-nniḍen imi d-yewwi ɣef wuguren n tirawalt n tutlayt s umata. Timsirin-a, d tid yesselmed asmi yella Mass Bouacherine d aselmad n tmaziɣt u d tid yesselmad akka tura deg uxxam n yidles Mulud Mɛemmri. Gar yinelmaden yellan akka tura ɣur-s, ad naf : isdawanen, imedyazen, d wiyaḍ i d-yusan kan akka ad lemden tira… Afud igerrzen i Mass Bouacherine.
H.M