Ttuɣun imezdaɣ n ceɛbet yexlef i d-yezgan azal 12 i kilumiṭren ɣef tɣiwant 3umar di ladayra n lqadiriya ɣef yimḍebren teɛna temsalt akken ad d-afen tifrat i uɣbel -agi n tzeqqa n tujya ur sɛin ara acḥal iseggasen-aya dayen yettnernin di leɛtab nsen, acku ttruḥun ami d tiɣwanin nniḍen iwakken ad sifsen liḥala umuḍin meḥsub d ugur wayeḍ yerna maci d tikelt tamenzut i ssuturen annect-a i yimḍebren ameɛna tiɣri nsen ur sefkin ara azal iɛeggalen n tɣiwant ɣef uɣbel-a ideg ttidiren yerna d win iten-icuɣben s waṭas imi maci dayen ara rajun acku ilaq ad yili s lɛejlan axaṭar ttafen iɛewiqen di temsalt-a , Si tama nniḍen ttafen ugur akken ad rzun ɣer temnadt iten-iqerben imi tikwal ttruḥun ami d tamanaɣt lwilya sebba lexsas n wallalen usiweḍ ixusen mliḥ di tama-agi dayen yeǧǧan imezdaɣ rwan lmeḥna deffir n uɣbel-a ɣef waya ssuturen seg usqamu aɣerfan n tɣiwant nsen ad d-rren lwelha nsen s annect-a s lɛejlan akken ad d-afen tifrat di lweqt ilaqen . Rnu ɣer wannect-a akken aɣbel yecban wagi ttidirent ula d imezdaɣ n ɛin leḥǧar deg umalu lwilya n tubiret imi ttrajun ula d nutni tamuɣli n yimḍebren iwakken ad ldin tiwwura n tzeqqa n tujya imi ssalin lecɣal deg-s aṭas-ayagi xersum ad yenqes leɛtab imuḍan .
Tamnadt n Lḥeǧra Zerga tettwaɛzel
Tuget n twaculin yettidiren di tɣiwant lḥeǧra zerqa di ladayra lburj xris deg unẓul lwilaya n tubiret ttidirent di lexsas n wallalen n tudert i yiɣaben di temnadt-a ideg rwan lmerta d lmeḥna imi ttnadin neɣ ssaramen ad idirin di tegnatin igerrzen meḥsub yella-d leɣyab umbaɛd timunent ar ass-a d wussan mazal-iten ur sɛin ara ayen aten-yeǧǧen ad idirin akken iwilem , gar yiɣublan-a mazal kra n twaculin ur sɛin ara trisiti , aman tisit , lgaz n temdint , acku ur d-sfayden ara seg yiṣenfaren unegmu anda aman acḥal d iseggasen iɛeddan akk timnaḍin iqerben ɣer temnadt nsen yewweḍ uṣnfar n waman ɣur-sen nihni mazal ttrajun ɣef waya yesefk fell-asen ad aɣen tiṣiṭirin waman si temnadt n sidi ɛisa di lwilaya n msila s suma yeɣlayen anda tettaweḍ ama 1400 ,1600 idinaren di lawan ideg tella ticumart ɣur twaculin-a , d acu kan iɣublan mazal ttlalen-d imi mazal-iten ttazalen deffir teqraɛtin lgaz ladɣa di lweqt n tegrest anda ixus usafar-agi mliḥ yerra ula ma yella ttafent s suma ɣlayen ayagi akk d sebba n uɛeṭṭel usiweḍ lgaz n temdint ɣer taddart dayen yeǧǧan imezdaɣ ssaramen s ɣur yimḍebren s tikci n yiṣenfaren ara ten-yeǧǧen ad idiren di liser d lehna d usenqes iɣublan .
Abdelhak Menas