LEZZAYER TAMANEƔT – Taneɣlaft n Usegmi aɣelnaw, Nouria Benghebrit, tcar-d, ass n larebɛa deg Tmaneɣt, dakken ad tili tuddsa n tzizwert deg wayyur n yebrir i d-iteddun akken ad skecmen ugar n 28.000 iselmaden i kraḍ yeswiren n ulmad. ‘’Ad tili yiwet n tzizwert ass n 22 neɣ 23 yebrir i d-iteddu akken ad skecmen 28.084 n yiselmaden yerzan kraḍ wannagen n Usegmi aɣelnaw, aswir amenzu, alemmas akked yimineg’’, i d-tenna i tɣamsa Massa Benghabrit ɣer tama n yiwen n umyiger akked yecriken n tmetti n uḥric-is. Tenna-d dakken igerdas ara d-nessuter, timezzugin akked wahil n tzizwert ad ten-id-ẓergen ass n 22 meɣres ideg nella deg udeg n uɣlif (www.education.gov.dz). Ajerred i tzizwert-a ad yili seg 28 meɣres d afella deg wadeg(www.onec.dz) n tuddsa taɣelnawt n yikayaden n tzizwert (ONEC), i terna tenna-d. ‘’Mi rar yekfu ujerred, ad nefk asihar i yal amekki akken ad isers akaram-is’’, i d-tsegra.
APS