LEZZAYER TAMANEƔT – Taɣlamt taɣelnawt n ddaw 17 n yiseggasen ad turar timliliyin-nnes timmidwanin mgal Tunes ussan n 23 d 27 Meɣres deg Ldzayer Tamaneɣt i ussewjed n snat-a n teɣlamin akken ad ttekkint deg temliliyin n waffas (taṣfiyat) n Teqbuct n Tefriqt n Yeɣlanen n 2017 ɣef wakken ay aɣ-d-tenna Tfidiṛalit Tadzayrit n Tcirt n Uḍar ass n lexmis. Timlilit tamezwarut ad d-tili ass n laṛebɛa 23 Meɣres 2016 ɣef s3:30 deg usarir n Umeɣrus Ait Hocine deg Berraqi. Timlilit Tis snat ad d-tili ass n lḥedd 27 Meɣres 2016 ɣef s3:30 deg Wammas Atwilan Aɣelnaw n Tfidiṛalit Tadzayrit n Tcirt n Uḍar deg Sidi Musa. Imariren idzayriyen n ddaw 17 uraren yagi dduṛt yezrin snat n temliliyin timmidwanin mgal Maṣer. Tamezwarut xeṣren deg-s s 0 ɣer 1, ma d tis snat, rebḥen deg-s s 2 ɣer 1. Timliliyin-a d aḥric seg ussewjed i uɛeddi ɣer Teqbuct n Tefriqt n ddaw 17 n yiseggasen. tuzzya tamezwarut n temliliyin n uɛeddi, Ldzayer ad turar mgal Libya. Akken ad tessewjed teɣlamt tadzayrit iman-nnes i temlilit-nnes mgal Tunes, ad teg tannant (tarabbuṣ) seg 18 ɣer 28 Meɣres 2016 deg usensu n Planteurs deg Ldzayer Tamaneɣt. Isleɣmayen (mudarribin) ɣran-d i 26 n yimariren, gar-asen 7 seg teɣlamt n Paradou AC. Imariren umi d-ɣran d wi: Juba Sami, Zorgane Adam, Dehiri Hocine, Zerouki Merouane, Berkoune Abderrahmane, Boucif Zerrouk, Benleguemari Chaouki (Paradou AC), Kessour Mohamed, Boutahra Zakaria (USM Belɛebbas), Baghdaoui Mohamed Amine (MC Wehṛan), Latafi Mhamed, Moussaoui Abdennour (ASO Cclef), Hamdad Karam (Ilemẓiyen Inaddalen n Leqbayel), Maazouz Tahar Chahine, Belaribi Aymen, Ouamara Nabil, Kerroum Ahmed, Belharane Abdelkader (ASM Wehṛan), Ait Ziane Meziane (USM Leblida), Tougai Mohamed Amine (NA Ḥusin Day), Idir Mahdi (JSM Bgayet), Rahmani Abdelmoumen, Boudchicha Aissa (CAB Lbuṛj Buɛṛiṛij), Louanchi Abdelkrim (MC Ldzayer) et Belouli Abderrezak et Bensahli Ouail (ES Sḍif).
APS