S tinnubga n tiddukla tadelsant Tiεwinin n Wizgan, di tγiwant n Wizgan (Buzgan), id-yezgan azal n 60 ikilumitren γef usammer n lwilaya n Tizi-Wezzu, Muḥamed Daḥmani d aselmad (Professeur) deg ugedzu n tdamsa di tsedawit n Mulud At-Mεemmar n Tizi-Wezzu yexdem yiwen n usarag s usentel « Ceḥḥa » naγ « Azmad n waggus ». Tazeqa n leqdic n wexxam n yedles Ferrat Remḍan id-yezgan di tlemmast n temdint n Wizgan,teččur d imdanen id-yussan si yal tamnaḍt, inelmaden, iselmaden tawacult n tẓuri d tsekla, imi fursen tagnit deg usarag-agi askasi i yekkan azal n 04 n tsaεtin di 02 n uzal almi d 06 n tmedit, mlalen akked yiwen n umusnaw meqren i ittewxeṣen deg uḥric n tdamsa, yessefhem-d s telqay uggur n tezγent n tdamsa n umaḍal i yennulen tamurt n Lzzayer. Ayen nnan leqbayel imezwura, muḥal at-bedlen leqrun, imi dren yakkan tagnitt-agi n tezγent n tdamsa, imi ar ass-a yegra-d yenzi id-yeqqarenk » Win yufan lεula drus, yečč cwiṭ yezmed aggus ». Dayen if-id-yuγal mass Muḥamed Daḥmani, anda id-yenna d akken Ceḥḥa d tasartit n udabu, yewwi-d lḥal ad-yili leḥder d useḥbiber deg uselḥu n yal taγawsa, d umeyyez akken iwata lḥal γef uṣarref n tedrimt di lxedma n yal isenfaren ». Yenna daγen « ceḥḥa-agi tennul deqs n yidisan, adabu, yal timnaḍin n tmurt n Lzzayer d yemdanen sumata », syen yekkes-d aγilif, imi iwekked-d belli uggur-agi yebεed γef tezγent n tdamsa i yennulen deqs n tmura n lbarani, am Ṭelyan, Spanyul, la Grèce d tiyaḍ niḍen. Syen yuγal-d umsarag γef tedrimt i ittewṣarfen deg seggasen yezrin, imi yenna » Almi d aseggas n 2014, lpitrul yewa ger 90 d 100 idullaren, u ddula tazzayrit tettṣarif azal n 90 melyar idullaren yerna mebla ceḥḥa. Akken id-imeslay γef yemεelmen n larẓaq id-yessekcamen selεa si tmura n lbarani, ma yella d selεa n tmurt baxṣen-tt teqqim. Dγa mass Daḥmani yessaḥres akken ad-yilli usebγes n wid yeseftayen di yal taγawsa, ad-seftin di tmurt i usnarni n tdamsa, akken izzayriyen ad-ttajwen γer-sen u ad-sajawen γer tmura n lbarani.
Islam Bessaci