Imezdaɣ n temnadt n tiliwa yetabaɛin ɣer tɣiwant leqsar di tubiret ɣelqen lemqer n tɣiwant ddurt-agi iɛeddan tlata wussan (letnayen , tlata , larebɛa ) sebba liḥala ideg ttidiren d lexsas n waṭas wallalen n tudert i yerwan lḥif acḥal d iseggasen -aya ttrajun iṣenfaren unegmu ara d -iḥazen taddart nsen , d acu kan ayagi ur d-yelli ara dayen iten-yeǧǧan ad d- sbegnen lɣid nsen zdat n tɣiwant iwakken ad asen-slen imḍebren teɛna temsalt gar-asen aselway usqamu aɣerfan n tɣiwant , Ma yella d lexsas n wallalen-a akked wugguren i četkayen lexsas n waman di temnadt-a imi ur d-ttasen ara yal ass ḥaca tikelt di ddurt ɣef waya yettilid lexsas usafar-a ladɣa deg ussan unebdu d lḥamu ,Rnu ɣer waya daɣen yella-d wugur n tnezduɣt anda ssuturen s tnezduɣin imi llan kra n twaculin ar ass-a d wussan ur d-sfaydint ara acḥal d iseggasen iɛeddan mazal tiwaculin -a zedɣnt deg yixxamen bɣan ad aɣlin xerben akk ttazal d aman ladɣa di cetwa , am wakken ssuturen s uzideg n temnadt nsen , Ssuturen daɣen trisiti iberdan imi taddart-a tusad ger yidurar yeɛlayen tebɛed ɣef tɣiwant . Meḥsub akk d iɣublan d wuguren iten-yeǧǧan ttidiren di yir liḥala di tmeddurt nsen yerna maci d tikelt tamezwarut anda id -sbegnen lɣid nsen imi xeddmen timesbaniyin acḥal n tikwal ameɛna ur d-iban yiqiḥ , ma d tikelt-a ssuturen s tifrat s lɛejlan i wuguren-a iten-ixenqen am wakken ssuturen seg yimḍebren ad d-rren lwelha nsen ɣer tama-agi s yiṣenfaren unegmu .
Abdelhak Menas