Youva Akfadou d ilemẓi i yellan di tlalit ass 17 Dujember 1994 deg tɣiwant Ukeffadu taddart At Ʃmara tawacult Yazid. Yekker-d deg udrum n tẓuri anda yella bab-as Yidir Akfadu d win ijebden amrar ugar n 40 yiseggasen ,gma-s Baylache d anaẓur i yufraren s ccna yugten d tahuski d yinefrayen , ula d netta yufa tagnit , seg wasmi yella d agrud mi yesɛa deg uwtay-is 08 n yiseggasen yelmmed aẓawan d wurar ɣef walalen ad d-nebder ardin (Mondole) , snitra (guitare , synthé percussion.. dɣa yella d amẓawan anda yurar i waṭas n yinaẓuren gar-asen : Kaci Boussaàd , Louiza , Akfadou , Slimane Amnay… Syin yebda iteddu d baba-as akken qqaren : wis ur nessin abrid yeḍfer lǧerra” anda ires uḍar n bab-as ula d netta ires , icennu deg yirmad idelsanen xersum di tama n Tizi Wezzu, deg useggas 2011 yexdem yiwet n tezlit icebḥen iselben arrac s wawalen i yettaken azwu i wul yugsen , d imeṭṭi , d leḥmala , d lxiq , d tafuɣalt , tin yefka azwel (Ayen it-xedmeḍ) , yes-s i yelli taɣda n tẓuri-s ,icerreg illel uẓawan , ula d tigrarin ixdem-as s tugniwin yuglen d cbaḥa anda i yella Farid Toutou ɣer tama useḍru ,yexdem abrug di tiliẓri taɣelnaw n tmaziɣt ,di Berbére Tv , di tesgilin yerzan imesli anda iԑedda-d di tedwilt n Mrehba , di radyu Summam gar yineɣmasen Nada , Fathi Melloul , yexdem abrug daɣen deg umaṭṭaf wis sin aɣelnaw , gar tezlatin n tesgilt yewwi arraz deg temzizlet , almad yezga s idis-is anda yebda yettaru tamedyazt yesεan asdig , anamek , iḥulfan , telqay , deg userkeb uẓawan d tizmilin yersen ɣef yal awal d yal asekkil, deg 2015 yerna-d tinzizt tis snat deg uḍebsi n baba-s Asmekti anda llant deg-s 08 tezlatin , yerna-d ayla-s Sabrina anda itt-yessekles di Tizi Wezzu ɣer imsekles Bouzid Ouhemou , d tanafust-is n tayri , d tanubi-s ,.. deg usayes ḥemmlent akk yimsefliden acku zedwa tezga teḥma ,, d tawrikt i d-yettaken agamu unaẓur , s tezlit-a iɛedda-d di tesgilt n Klik dagi sɣur Moumouh Oudiai. Syin yebda asenfar-is anda yessekles 11 n tezlatin yemgaraden iɣenniben , ccḍeḥ d uslig i tmeɣriwin d wiyaḍ,mxalafen isental deg-s ad d-naf ( tayri , tiɣri n yilemẓi , asirem , …gar tenziztin Ssifa-m d azwel i uḍebsi ,Leḥmala n temẓi , Tizlit-agi i kemmini, Lvisa , Tragit ,Yeǧǧa-kem lḥal , texdaɛ-iyi tayri , rrwaḥ, ayen it-xedmeḍ , Sabrina ..tazeqqa usekles tella-d di tddala n Yidurar (Kaci boussaàd) d mmi-s i yellan d imsekles , d amẓawan Kaci Mastia d ilemẓi i d-yekkren netta d Youva , d atamten , d tarwa n tẓuri , anda llan yimdukkal-is fkan-as-d tallelt akken ad d-iḥerkel uḍebsi-a n ccna anda yella Azeghough Nordine , Sofiane Taghzout , Boubekeur , Syfaxe Braik… afaris ad yili s tmeẓragt n Mélody + (Lounis Meziani) , deg unekcum n Mayyu ad d-yessien ɣer ssuq s wudem icebḥen , lqayen , igerrzen ,xersum di tsemhuyt n tefsut anda tayri teggar-d iɣallen ,asenfar-a n Youva d izen i yimarayen , d ageldun n tsusmi , d amahil anda yella deg-s wayen yesswan , d asɣun i ccna n teqbaylit , d ajgu i tgejdidt n ccna ,yessewjad I tfsakiwn d yibarazen di waggur n remḍan i yellan deg uswir aɣelnaw, i win yebɣan ad t-yissin ugar yella usebtar-is di ttawil n facebook (Juba Akfadou» Youva») . Youva Akfadou d anaẓur ikesben tawrikt yellin ɣer wid it-iḥemmlen, d udem yeččuren d asrad ,d ccna ,timeḍḍirt-is d tazmamt n tumert ,d aktay , d ayen yettcruruqen ,d tiregwa n tẓuri.
Azedine Abdous