Yal ass tamaziɣt tettaked amaynut , d agamu agejdan di tmetti , deg taddart n Uwrir Akfadu tuli tmenzit ilmend n tejmilt i yal ameɣmas yellan deg umussu adelsan neɣ yedda di lǧerra-s , d amaru , d amedyaz, d aneɣmas , d asertic , neɣ seg widak i yellan d imezwura i yesɣersen snesla n tatut , gar-asen Khelifa Amaziɣ , adrum At yidir tawacult Ihdan , anda yebda amennuɣ deg useggas n 1970 ugar n 46 n yiseggasen d asuɣu ilmendad n tutlayt ad tuɣal d tunsibt. Deg ungalus-is, adeg uwumi qqaren Mazku anda laln din yizuray n tirekkisent , yebna aẓayer n tmaziɣt anda yura fell-as tilelli ,asmekti,d tugdut, d izerfan , asenseb di tmendawt… Usan-d yinebgawen n yiseɣ akken ad tili tfugla i usbedad-a anda i d-rzan iselmaden n Tmaziɣt gar-asen Mohand Aklit , Azedine Achoui , imedyazen anda yella Khellaf Oudjedi , Hakim Ferkiwi , inaẓuren , imeɣnasen, tella-d daɣen tɣamsa n tira la dépêche de Kabylie , d ilemẓiyen iḥemmlen tutlayt akken daɣen ad agmen amezruy , tasekla, gar-asen Massi Seddaoui ….d wiyaḍ.Yella-d akken iwata s ddeqs n tezmert i yemmug , dacu d asdig i umezruy-nneɣ, d asmekti , d asuɣ , d tajmilt ….
Azedine Abdous