Yiwen yilef yezga yessexsar ixammen n tweḍfin, imi ara yessres iqejjiren-is imeqranen ɣer lqaɛa, ur yettxezzir ara ɣer sdat-es. Yiwwas rrfant fell-as aṭas, mcawarent akken as-zzint ad ten-ɣent . Imi d-yuɣal yilef-nni, tiweḍfin-nni uzlent ulint s ufella-s. Yal yiwet d acu teɛna, kra rrant s imeẓẓuɣen-is, kra s aɛebbuḍ-is, kra nniḍen s azagur-ines. Ilef yerǧa alarmi qqaɛdent akk iman-nsent, yesfezwi, ad as-t-inid yenhez wedrar, dɣa aɣlint-d akk ɣer lqaɛa. teqqim-d yiwet teckenteḍ, tesɛa tabɣest, tugi ad tamen ifukk umennuɣ, timdukal-is ttsuɣunt, ttceqqirent-as : -Xenq-it a lla Faḍma ! Nneɣ-it a lla Faḍma !
Busad Ḥemar