Texsi tirgit n lferḥ ɣer waṭas n Yiqbayliyen yettrajun s ccuq rrbaḥ deg unnar n umenzu n wunbir n Tizi Uzu gar terbaɛt n yilmeẓyen n Leqbayel d Lmuludia n Wehran. Taneggarut-a tessewɛar-as tagnit i JSK ur nessaweḍ ara ad d-helli rrbeḥ deg wakal-is ɣas akken ɣef umkan wis sin iɣef tettazzal. Iswiyen iɣaben di temlilit-a sxesren mačči d kra leḥsab i JSK yenwan dakken ad turar talɣuɣa tafriqit. D tidet, tuɣal-d seg yimi n llafɛa imi di tazwara tettnadi ma ad teqqim deg uḥric amenzu acku tegguma ad terbeḥ timliliyin ama deg wakal-is ama di berra. Ad d-tiniḍ d kra n uḥeckul i ččan yimyurar. Tisin n Kamel Mouassa tbeddel udem I terbaɛt i d-iḥallan amḍiq yettuqadren imi tuli-d JSK s amḍiq wis sin. D acu kan, lexsara i d-temger di Sṭif ur tt-yeǧǧi ara ad tkemmel deg umecwar-is akken iwata almi ula di Tizi ur tessaweḍ ara ad terbeḥ sdat MCO. Wicqa ! Awidukan imi tessaweḍ s amkan yecban wa, teffeɛ tidi tasemmaḍt i wid i tt-iḥemlen !
Nabila. B