Tuɣal teywalt(communication) iseggasen-a ineggura d tin isehlen maḍi ma yebɣa ad yeṭṭef, ad yekcem deg-s umdan. Imi segmi i d-yella uẓeṭṭa amaḍlan yezmer yiwen ad yemmeslay srid lwaḥid win i as-yehwan deg ukuẓ n tɣemmar n umaḍal.
Ɣef waya i yuɣal wallal aqbur n tesreqqest(poste) drus n lɣaci i t-ineccden i usiweḍ n tebratin-nsen. Ladɣa wid yeɣran, xulḍen yakan amaḍal uhlis n Internet. Timentilin (sebbat) n waya banent segwaṭas n tamiwin, imi qqnent tazwara ɣer wakud. Yettusemma, zik akken ad ak-d-yaweḍ yisalli (lexber) n uɣrib, ilaq-ak ad tsebreḍ ugar n wayyur i tuɣalin n wawal. D ayen ur d-neggri tura. «Ahat mi ara yili d ameslay kan aṭas i yufand Internet neɣ d tilifun axir. Maca mi ara tili d taɣawsa urnezmir ara ad tt-nesɛedd iseg zzǧaǧ n uselkim, ihi d tasreqqest i d tasellakt». Akka i aɣ-d-yenna yiwen n umezdaɣ n AytSmaɛel. Dima ɣef tesreqqest, garwidnesteqsa, daɣen, ad nẓer rray-nsen fell-as,ass-a deg wussan, imi akken yebɣu yili yettban-d ttawil-a d amsellek deg waṭas n tikkal, llan wid i d-yennan mazal ṭṭfen deg-s ar tura, d acu kan sḥassfen ɣef kra n tlufa i d-ttmaggaren deg ubrid-nsen! «Ur yezmir yiwen ad yebḍu assaɣ i t-yezdin akked tesreqqest, akka am nekk. Lameɛna ḍerrun-d kra n wuguren ttaǧǧan-aɣ nerfa: yiwen d assaɣli i ssaɣlin aceyyaɛ n kra n tɣawsa, imi s lmizan kullec ; tayeḍ, d aɛeṭṭel i ttɛeṭṭilen deg usiweḍ n lamana-nni i tuzneḍ. Amek ɛni seg Bgayetɣer Tizi Uzzu ilaq ad terǧuḍ 13 n wussanalmi d 15?» I yesḥassef yiwen n uɣerman-nniḍen.
Mhenni Khalifi