Ahat llan wid yecfan mi sqedcen iseggasen-a ineggura aɣḍem (timbre) amaziɣ deg tebratin-nsen, mbeɛd mi ten-id-tessufeɣ tesreqqest n Lezzayer (Algérie poste) s tdukkli n Useqqamu Unnig n Timmuzɣa, deg mayu n useggas n 2014. Deg teswiɛt-nni, aṭas i ten-inudan, aṭas i ten-yesqedcen, imi i tikkelt tamezwarut i d-yella deg tmurt n Lezzayer usufeɣ n uɣḍem-a amaziɣ. Maca, kra n wakud kan segmi ttnuzun, wwin-ten lɣaci, uɣalen kfan seg tesreqqas ur ttwawfayen! Amḍan (nombre) n wannect i d-yeffɣen imir-nni, wwḍen almi d 90 n yigiman (alef) ɣef leḥsab n teɣbalut-nneɣ i iqerben i ccɣel-a. Seg wakken jebden-d awellih n umsaɣ (client), ttwasqedcen u kfan s tazzla. Seg wass-nni ulac later n uɣḍem-a, gar wid akk yettwassexdamen ar tura. Ɣef waya, kra n wid i teɛna taluft seg yiɣermanen (citoyens) yeggra-d yettmesteqsay, amek almi ur d-tɛawed tesreqqest n Lezzayer asufeɣ n ukemmic-nniḍen seg uɣḍem amaziɣ ? Ladɣa mi d-iban akken iwulen belli yelḥa imir-nni mi d-yeffeɣ tikkelt tamezwarut, aniɛad tura mi yettwassen. «Ɣas annect-a d azamulan kan (symbolique), lameɛna ulac acu ara d-yewwḍen aḥulfu-nni mi ara ceyyɛeɣ tabrat s uɣḍem amaziɣ. Ula deg tmurt, ad ḥulfuɣ nesɛa amkan am nekk am tutlayt-iw». D awal-a i d-yenna yiwen n umezdaɣ n Ayt Smaɛel. Ma newwi-d awal ɣef uɣḍem-a s timmad-is, ad d-nini tewqem ayen din tɣara swayes i t-iga unaẓur. Ama d asuneɣ n aza amaziɣ, neɣ d tasna-nni (surface) d ucebbeḥ-ines. Ugar n sin n yiseggasen tura seg usufeɣ-ines amenzu, zemrent tamiwin i yeddukklen imir-nni ad uɣalent ad zdint i usufeɣ-ines i ti
Mhenni KHalifi