Ass n aram 05 deg yulyu2016, d ass n usmekti i deg tewwi tmurt timunent-is. Ulac win ur nessin ara d acu-t wass n 05 yulyu 1962, asmi tekfa ɣef tmurt n Lezzayer tugdi n ucengu aṛumi, lgirra ( ṭṭrad ) teǧǧa-d igujilen, tuǧǧal, tesenger ixxamen, ɣlin fella-s umelyun d nnefṣ n cuhada , ama d tilawin ama d irgazen, ama mecṭuḥit ama meqqrit. D Izzayriyen i iruḥen d asfel , i yefkan tirwiḥin-nsen akken ad tawi tmurt n Lezzayer tilelli. Amezruy, ad d-yeched d acu i texdem Fransa Deg yizzayriyen ; tamurt n Lezzayer tettwasteɛmer 132 yiseggasen. Zeg zzman n zik ar tura, sebɛa leǧnas iberraniyen i tt-id –ikecmen wa deffir wa , akken yecna uleḥlu «usan-d waɛraben deg lɛesker d ṣfuf , ma d ddin i aɣ-d-wwin iwumi lesyuf, zaɛma d imselmen s yisem leqran, bɣan ad aɣ-faken, i ixeddem laman !!» Yal acengu d acu n sebba swayes i d-yekcem cwiṭ cwiṭ, uɣen tamurt s yiɣil , wwin-d idles –nsen tutlayt-nsen , nuɣal nessusem nutni heddren , maca agdud azzayri mi ara d-yekker am meɣres, yiwwas ma yezhel meɣres ad d-yerr leblad d amellal , nnuɣen mgal acengu i d-ikecmen. Yal azzayri yexdem ayen yekkan nnig tezmert-is akken ad awḍen ɣer yiswi , asmi tesuffeɣ Lezzayen Fransa ass n 05 deg yulyu 1962 leɛlam n Lezzayer yettrefrif , tiɣratin , ulac amkan anida ur iɛelleq ara leɛlam n Lezzayer. Izzayriyen, ddukklen afus deg ufus , 54 yiseggasen-aya yeffeɣ uɛdaw, ɣas ma yella-d umennuɣ gar yizzayriyen maca tamurt n tmazɣa yiwet, akken i qqaren deg umedya ur ḥmileɣ gma , ur ḥemleɣ win ara t-yuwten. Ad yerḥem Rebbi imeɣrasen n tmurt n Lezzayer.
Zakia Ben yahia