I kunwi d kunnemti ay imedyazen d tmedyazin. Tiddukkla Tadelsant Tafat n Ayt Lqasem teɛreḍ-iken i tikkelt tamezwarut ɣer teẓrigt-is tamenzut n tfaska n tmedyazt taqbaylit ‘’Tabburt n Lɛenser.’’ Tafaska-a tamaynut d tin ara yilin deg teɣzi n ukuẓ n wussan. Ad tebdu ass n 13 yulyu ideg nella tura, ad tkemmel alamma d 16. Ad d-nesmekti kan dakken tafaska-a ara yettwaxedmen deg Tizi Uzzu, taddart n Buɣni, Taɣiwant n Ssi Yusef, d tajmilt i umedyaz ageɛmir Attab Said i yewwin acḥal d arraz n tfaskiwin ideg niqal yettekkay. D ameɣnas ameqqran i aɣ-yeǧǧan deg wayyur n ɣuct, deg useggas n 2009. Tafada(délai) n uceyyaɛ n yisefra d uttekki teḥbes ass n 28 seg yunyu yezrin, ihi tiɣri mačči kan i Wat usefru, maca i wid daɣen i t-iḥemmlen, i yebɣan ad isel i wawal n sswab d leɛqel, i wid umu tehwa tmenna n rruḥ d yiḥulfan n wul. Ilit di ttiɛad, am umeqrab, am ubeɛɛad. Nessaram ad ṭṭuqtent tfaskiwin am ti, ad gent azal i usefru, ad ssalint ccan n umedyaz azwaw. Afud ijehden i kra tid d wid i yettekkan.
Kaïsa Khalifi