tebda tmeɣra n talaɣt ass n 25 deg yulyu 2016 deg Lexmis n Mɛatqa. Akka am yal aseggas, xeddmen timsikiniyin , srusun-d akk allalen i d -yeffɣen seg talaɣt. Deg-s ad walin wid i d-yettasen lxedma txeddem tmeṭṭut taqbaylit , deg-s d tuṭṭfa deg leɛwayed n tjaddit . Ad teqqim lxedma–agi n ufexar, tasuta ad tt-id-tettağğa i tayeḍ imi leḥwal i d-itteffɣen d wid icebḥen s waṭas. Ayen i as-yernan ccbaḥa, d isekkilen n tifinaɣ swayes i tt-zewwiqen , d kra n usuneɣ icudden ɣer timuzɣa d teqbaylit. Ttasen-d ɣer tmeɣra-agi seg yal tama n tmurt n Lezzayer. Deg-s ttwalin ccbaḥa n wallalen-agi, deg-s ttaɣen-d akken ad cebbḥen yis-sen axxam, neɣ ad ten-sxedmen i wučči , ama d tiḍebsiyin, tiqbucin d waṭas n leḥwal. Yal tama, amek i asen-ttsmemin, tameɣra-agi ad tdum yiwet n ddurt kan , ayagi sḥasfent fell-as kra n tlawin ixeddmen talaɣt, am akken i d-tenna yiwet n tmeṭṭut ixeddmen armud –agi neɣ lḥirfa-agi Massa Caɛlal Tasaɛdit n lexmis. Limer tettaf, ad tdum ugar n wussan, mačči yiwet n ddurt kan. Tebɣa ad as-fken afud, ad tkemmel deg lxedma –agi mačči d taruẓi ara as-ṛzen ifadden . Tebda ass n 25 deg yulyu tekkfa ass n 29 deg yulyu-agi drus , nessaram irmuden n leqbayel d wansayen , ad qqimen i lebda wa ad nernin imi idles-nneɣ akken ad yennerni ilaq-as wafud , yerna timetti-nneɣ d agerruj i tesɛa, am akken yeqqar umedyaz Ayt Mangellat «Idles , ḥadret ad terrem gar yiɣuraf akken ad aɣ-teṛzem»
Zakia Ben yahia