Muḥed Saɛid n At Weerab d ameddaḥ si taddart n Taddart- Ufella ,deg lɛerc n At Dwala. Taḍeggalt-s si Tgemmut Ukerruc teesa tafunast. Nettat d Tbeḍrunt d takniwin, ttidirent akken deg yiwen uxxam. Yiwet n tikkelt, yuḍen Muḥed Saɛid n At Weerab, yenna-d wul-is iɣi. Iceyye yelli-s ɣer tḍeggalt-is, ad as-d-tefk cwiṭ. Tessaɣ-as tanumi, tettak-as-d. Truḥ yelli-s, tewweḍ ɣer xwali-s, ur tufi ara setti-s. Tufa Tabetrunt, takna-nni n jidda-s. Tqeṭṭer-as-d aman n yikil, tefka-yas-ten-id. Tenna-yas-d, ma d iɣi, ar d-sendaɣ.
Tuɣal-d yelli-s s axxam, tenna i baba-s d aman-nni kan n yikil i ak-id-tefka. Tenna-yi-d Tbetrunt ma d iɣi ar d-sendaɣ. Yenna-as Muḥed Saɛid At Weerab: yyah! Ar d-tessend ara yi-d-tefk! Ad yi-d-tefk akken i yi-d-tettak tḍeggalt-iw, neɣ d aman ara yi-d-tefk! Lǧemea-nni i d-iḍefren, isewweq, yuɣ-d tixsi s meyya. Ssyin, yenna-as :
Ass lexmis d aweswas
Nekker-d yuli wass
A yul ibɣan iɣi
Cyyeeɣ Feṭṭa d watmaten-is
Aqbuc deg ufus-is
Ar Tbeḍrunt ma ad as-d-tefk iɣi
Ma d ṣṣelṭan ad ifsus
Ad tṣṣeḍḥi s zzin-is
Neɣ zhar amud imserri
Mi d lmitra deg uɣenǧur-is
Axlul yettqudur-as
Fkiɣ meyya di tixsi
Ramdane LASHEB