Sendiḍelli n sebt 03 di ctember i ldint tewwura n tezrigt tis 14 n temliliyin n sinima n temdint n Bgayet. Di temlilit-agi, 27 n yisura i yettujerden deg wahil ; ad d-ttusnaɛ-ten i wid i iḥemmlen taẓuri n sinima deg tẓeɣwa n temdint n Bgayet, ama deg uxxam n umezgun Bougermouh, neɣ di Tzeqqa n sinima, place Gueydon .
Ahil d amerkanti , ad ilin yisaragen, timliliyin d yimyura n yisura (les cinéastes), am wakken ara yili uselmed n kra n tarrayin timaynutin deg uḥric-agi n sinima i yimunan i ttekkin di temlilit.Deg wahil, daɣen, ad yili usenɛet n yisura imeẓyanen tmura n tmazɣa : Lmerruk , Tunes Libya d Lezzayer. ‘’Afran n yisura ara i yekkin deg temlilit-agi ur d-yusi ara kan akka s shala. nefren-d ayen yeddan d smayem igraɣlanen , imi iswi-nneɣ d tiririt n yimferjen ɣer tzeɣwa n sinima di Bgayet ‘’, i d-yenna yimḍebber n ’’ Project’heurs’’ deg wawal i d-yefka i tɣamsa, ddurt yezrin. Gar yisura n teqbaylit ara d-yettusnaɛ-ten, ad yili usaru i d-yesuffeɣ Mouhamed yagui «Ṛegegmeɣ-am» ; asaru-agi s wazal-is imi yettales-d yiwet n teqsiṭ ideg i d-mlalent laɛwayed d ttmeslayin n temdint n Bgayet. Am wakken daɣen ara ad d-yili usenɛat n watas n yisura s tutlayt n tefransist , d wid ara d-yawwin ɣef yisental n tmetti deg tallit i deg nettidir “Tamḥeqranit , inig , trad, tayri …atg”.
Brahim Benhamouche