Lexsas n waman

Partager

Yezmer ad d-yili ccwal deg wefraq n waman n tissit deg tɣiwant n Ɛin Lbenyan ɣef ussersi n yiwen n ujeɛbub agejdan n waman ara d-yilin seg wass n laṛebɛa ɣef tis 6:00 n tṣebḥit ɣer wass n ljemɛa ɣef tis 2:00 n tṣebḥit, ɣef wakken ay d-tenna, ass n letniyen, Teṛmist n Waman d Ussizdeg n Lezzayer (SEAAL) deg yiwen n welɣu (bayan).

«Deg ukatar n usenfar n lebni n yizirig n webrid n wuzzal gar Birtuta d Zzradla, ad tessers Tnegga Taɣelnawt n Tezrawin d Weḍfar n Usseḍru n Yisseftiyen (ANESRIF) seg wass n laṛebɛa ɣef tis 6:00 n tṣebḥit ɣer wass n ljemɛa ɣef tis 2:00 n tṣebḥit, yiwen n ujeɛbub agejdan n umesni (naql) n waman», ɣef wakken ay d-yenna welɣu-a.

Ad d-ilun yimahilen-a (acɣal) deg yiwen n usuddis n waman yellan deg tɣiwant n Mɛalma, yernu ad bdun ad d-ttuɣalen waman cwiṭ, cwiṭ, ɣef leḥsab n ufaki n yimahilen-a. Ad d-swejden tinuṭfiyin (xazzanat) n waman akken ur ttxaṣṣan waman deg yesbiṭaren d yeɣsuren inagduden ay yezwar lḥal d ussifses n lḥeṛs ɣef medden, ɣef wakken ay d-yenna welɣu-a. Taṛmist n SEAAL tenna-d dakken theyya-d akk ttawilat akken ad tfak ccɣel-nnes s tɣawla, am wakken ay d-theyya uḍḍun n «1594» i uxebber n medden ɣef wayen ara ḥwijen ad t-ẓren.

Partager