Yuɣal yettwajerred unɣiman (suicide) nniḍen deg Tsexriwt! Ma yella tamettant (lmut) i d-irezzun s yiman-is ɣer umdan tuɣal d tannumi, ulama tgellu-d s terẓeg d yimeṭṭi, tin i d-yettawi umdan i yiman-is mi ara iɛemmed ad yeg talast i tudert-is, tezga d tarehbanit, tessemɣay tuggdi d ttuḥid deg tmetti. Am wayen i d-yeḍran, dɣa, ussan-a iɛeddan deg taddart n Rrif, taɣiwant n Tsexriwt, i ibeɛden s wazal n 60 n yikilumiṭren seg waɣir n Bgayet. Fejɛen yimezdaɣ n temnaḍt-a mi slan amek yemmut yiwen n yilemẓi bu 19 n yiseggasen i iɛellqen iman-is ɣer tzemmurt, ɣef wakken i d-yenna Uḥuddu aɣerman (Protection civile) n Bgayet.
Ayen i d-yernan ugar n lḥir i lɣaci d mi d-iḍerru wannect-a n yinɣimanen deg tama-a n Rrif, almi tuɣal d tamezwarut ideg i d-llan yibaxixen s waṭas iseggasen-a ineggura, ladɣa ilindi. Rnu, ɣef tmuɣli tamatut, mačči d timmuhbelt i d-yettilin deffir waya akken ad yezmer yiwen ad d-yessefhem taluft s wudem isehlen. Ɣef waya, ilaq ad d-nini ugur-a inmetti (social) yeḍḥa-d iɛum idum, almi i d-yettḥettim ɣef yal yiwen ad d-yefk tikti-s. wissen ahat ad d-yefrir ugmuḍ, yelha ɣas azuḥ.
Mhenni Khalifi