Taggara n ddurt yezrin deg uxxam n yidles n Tawes Amruc n temdint n Bgayet, medlent tiwwura n tmeɣra n tizizwit d tament. Degf reḥba n tikelt-a, kkin 44 n yifellaḥen yettrebbin tizizwa, ussan-d si tɣiwanin n lwilaya i wakken ad d-snaɛten lɣella-nsen: tament , ideqqi , tanalt n ugellid…atg. Ayen i d-yufraren deg tmeɣra n useggas-agi, d leṣnaf n tament akked lɣella n waṭas i d-wwin yid-sen ifellaḥen yekkin di Reḥba-agi.”Aseggas-agi, yella lxir, llant teɣrasin i d-yefkan almi d 7 n litrat n tament. Rnu ɣur-s, llan waṭas n lesnaf n tament : tament n tlegit d uzeggar , tament n ukalitus, tament n ččina, tament n teẓgi “tin n ubelluḍ d lexrif” …’’ i d-yenna yiwen n ufellaḥ n temnaṭ n uqbu‘’. Ula d ssuma daɣen tudred aseggas-agi ma nqerren-itt ɣer yilindi 4000 i DA kg, i deqqi 3000 DA i kg, tanalt ugellid 1000DA i 10 gramme. Iwakken ad yenerni usefrek deg urebbi n tzizwa”Apiculture», tidukkla ifellaḥen n lwilaya n Bgayet, gren tiɣri i uneɣlaf n tfellaḥt i waken ad d-yefk afus n tallelt i wid yebɣan ad seftin deg uḥric-agi : tiɣrasin, neɣ duzan iseqdacen deg unnar . Seg wakken tizizwa llant s wazal-nsent deg tmeddurt n talsa d ugama, afessuy n ujeǧǧig n tjur d lɣella s umata, neɣ deg tujjya n umdan, ihi ilaq ad nesseḥbiber fell-as . am wakken i as-yenna Albert Einstein :” asmi ara tenger tzizwit… ad tenger ddunit’’ .
Brahim.Benhamouche