Lwali amaynut n Tizi Uzzu, Mass Mohamed Bouderbali i d-yusan seg lwilaya n Sṭṭif, yexdem ass-nni n ahad 26deg tuber 2016 tirza-ines tamezwarut ɣer unnar, seg asmi yuɣal ɣef uqerruy n lwilaya n Tizi Uzzu. Deg tirza-ines tamenzut n lxedma, i t-yuwin ɣer ladayra n Maȃtkas anida i yessefqed aṭas n yisenfaren n unegmu n tama-a. Yerza ɣer umkan n usewseε n usqamu aɣerfan aɣiwan (A P C) n Maȃtkas, yerza daɣen ɣer taddart n Bourahmou, anidaiI yessaɣ lgaz n temdint i tikkelt tamezwarut i lfayda n yimezdaɣ n taddart-agi. Am wakken daɣen i iruḥ ɣer usalay n ufexxar aqbur n Maȃtkas. Issefqed diɣen tazeqqa n ssinima “Nedjma», d temkerḍit n tɣiwant, annar d tzeqqa n waddal. Ad d-nesmekti kan, d akken tamnaḍt-agi n Maȃtkas, tettidir lexsas meqqren deg yisenfaren n unegmu akked waṭas n yiḥricen n tudert tartar. Gar-asen: lbankat, iɣalen n usellek, takbanit n “Sonaelgaz», ssbiṭer, lexsas n waman…atg. D ayen i yeğğan imezdaɣ n ladayra n Maȃtkas, ad gren tiɣri srid i lwali n Tizi Uzzu, i wakken ad iger tamuɣli-is ɣer wayen ttidiren yal ass, yerna ad yelhi yid-sen.
Adaoun Abdelghani