Seg tama-nniḍen, mi yekfa uneɣlaf n yidles tirza-ines, yerra-d lwali n Bgayet, Ould Saleh Zitouni, i yellan yid-s, srid ɣer Ayt Smaɛel, ad yessefqed ladɣa ɣef temkarḍit n tɣiwant. Mi tt-iwala, yezzi-as-d akken ilaq, iban-d am wakken yeɛjeb-as s tidet wayen yemmugen deg-s, ladɣa imi yella yerna-d yakan kra n tedrimt i usiweḍ n usenfar-a ɣer taggara. Ɣas ur thegga temkarḍit-a akken ilaq, ladɣa s dduzan n daxel, am yidlisen, ṭṭwabel d yiselkimen, maca iɛeyyen-d Mass lwali s teldayt-is tunsibt. Yerna yessarem ad tesleḥ i waṭas n lecɣal am umezgun, isaragen, atg. Seg Ayt Smaɛel, yeṭṭef abrid lwali ɣer Yiderginen, akked tselwayt n tdayra i d-yusan yid-s i Udrar n Fad. Deg Yiderginen, iɛedda yimḍebber n twilayt ɣer uxxam amaynut, anda yessuk tiṭ ɣef liḥala n lebni d wayen yellan din d ttawilat.
Mhenni Khalifi