Urrif n yimezdaɣ n temdint n Tizi wezzu d win yennernan mačči d kra deg wussan- agi imenza n waggur n Remḍan, acku leswam n lexḍra d lfakya d wid yewwḍen ɣer tqacuct am yal aseggas.
Aseggas- agi, imi leswaq yellan yakan ttwakksen, fursen tagnit waṭas n yimetjaren iwakken ad ssiɣlin isufar alamma d anda ur asen-yettizmir uxeddam. Yal tikkelt, imessenza-agi ttafen-d ssebba n tebzert i ttxellisen ula d nutni, rnu ɣur-s lekra n tḥuna ideg ttilin.
Imetjaren ixeddmen berra i yisuḍaf i yettwamenɛen si lxedma beggnen-d lɣiḍ nsen imi ufan-d iman nsen taggara-agi seg wid yenḥafen ladɣa deg waggur-a n remḍan,. D ayen i ten-yeǧǧan ssekren kra n cwal anda I ssuturen aɛiwed n tulya n leswaq yettuɣelqen ahat ad ssiwḍen ad ɛegcen tiwaculin nsen
D. I
Tizi Wezzu
28 n tesquma i uḥareb ɣef tezmert n yimezdaɣ.
Imḍebbren n tnemhalt n usenzi n twilayt n Tizi Wezzu ssawḍen ad ɣelqen deg waggur yezrin azal n 28 n tḥuna deg tɣiwanin yemxallafen s ssebba n lixsas n tezdeg. Srabes-agi n tezdeg yefɣen s annar azal n 400 n tikkal snedhen daɣ 100 n yimetjarent iwakken ad sseddun lxedma nsen akken iwata. Ma d wid yettɛassen leswam, snedhen azal n 108 n yimetjaren, rran afus ɣef wazal n 748 iqenṭaren n sselɛa yewwḍen di ssuma 4.4 n yimelyunen n yidinaren. Si tama nniḍen, ilmend n waggur n Remḍan, tanemhalt n usenzi n twilayt d tin i yellan deg ttiɛad i yibeddi mgal wid yesseɣlaḍen imdanen deg yisufar d uḥareb ɣef tezmert n yimezdaɣ. 28 n tesquma i yettwasbedden ilmend n waya, iwakken ad d-zzint i yal taɣiwant d tuddar n Tizi Ouzou.
D.I.