Win issawalen tidett yiwen wass, issiwel akken is-ihwa. Akka nhedder s yinzan, ladγa timetti nneγ di tama n leqbayel, win issnen lemεun u ihedder-itent s lmaεna-nsent, d amusnaw, abḥal akken ḍerrun di yal tamurt deg umaḍal, maca tama nneγ (lmaεna) i d leslaḥ awḥid, ulamma ass-a tezzi-d amzun d aγilif.
Mi ara d-nader tallit n zik, yiwen wass nuder-d llaẓ d laεra. Yiwen urgaz d aẓawali iqqim di tejmaεt la ihedder i kra n yilmeẓyen, gar-asen llan wuḥdiqen llan widen ixusen, inṭeq yiwen, inna-yas:-A dda leflani, acimi kečč γas liḥala-k rqiqet maca udem-ik yal ass icmumeḥ?
Inṭeq urgaz irra-yas:-A mmi ayen i kesbe&gamma,; ttmuduγ-t akk i medden.
Ilemẓi:-I lukan teksibev akteṛ?
Argaz:-A t-muddeγ i kra n medden.
Ilemẓi nniḍen: -Amek?
Argaz:-Acku di tayri ddeqs i kesbeγ zemreγ ad qaddeγ akk imdanen s uẓawali, s win isεan, maεna s uṣurdi d ayen akk nniḍen, ma qubleγ iẓawaliyen ddeqs-iw .
inṭeq-d yiwen ilemẓi s wawal-is iḥdeq:-Ih a dda leflani ur izmir yiwen a ten-isdukkel, qqaṛṛen wat zik, win iṛwan ixdaε Ṛebbi.
Argaz:-S tidett, awal-ik imεen, d acu kan rnu-yas kra n wawalen ad iqεed nezzeh.
Ilemẓi:-Amedya?
Argaz:-Rnu-yas ger cwiṭ d waṭṭas, acku lxiṛ d Sidi Ṛebbi u deg umdan i t-id-ifka, allaγ n umdan d lxiṛ amuqran, u labud llan yimdanen lhan u kesben agarruj.
Ilemẓi:-S tidett, s tidett.
Argaz:-Acu, win isεan γas d lmumen, d aεerḍi, ilaq ad yissin amek ara iẓẓel afus γer wiyaḍ, akken afus-is ad yili d imezgi u ad irgel aṭṭas n yiṭuṭac.
Qqarren wat zik, yiwen urgaz iruḥ s aḥbib-is ad as-d-iṛḍel isurdiyen, mi s-ten-isuter, inṭeq inna-yas:-Ulac uγilif d ayagi ?
Winna d-ireḍlen inna-yas:-D ayagi.
Inna-yas uḥbib-is:-Kecm-d.
Argaz ikcem, qqimen ttqesiren deg uxxam, armi kfan lqahwa, inna-yas urgaz:-Ihi ma tewjed lamana-nni, nekk d lawan a k-ğğeγ lehna!
Aḥbib-is:-Tewjed, yerna ddem-itt-id s ufus-ik.
Argaz:-Anida-tt?
Aḥbib-is:-Atnan isurdiyen d axel n teqbuct-nni γef udekkan.
Iẓẓel afus-is urgaz, yaf ayen akken ibγa, irra isurdiyen γer lğib ubelṭun-is,
inna-yas:-Qqim di lehna, ar d-wejden a k-n-rreγ lxiṛ-ik.
Aḥbib-is:-S laεqel-ik.
Argaz mi iqḍa lmetza ines, ittu win γur ten-id-iddem s ufus-is, ma ur illi ikkes-iten i tarwiḥt-is! Maca win issnen, izwar ṣṣbeṛ.
Iεedda zzman γuzzif, wa ur inni i wa, tezzi teswaεt armi argaz nni iḥwağ daγen isurdiyen, imekta-d win akken s-d-ireḍlen, inna-yas:-Ad ruḥeγ kan s aḥbib-iw d netta kan iyi-ittselliken.
Mi iwweḍ, issawel-as, iffeγ-d γur-s:-Mreḥba yis-k acu akka i k-id-ismektan deg-ne&gamma,; d lxiṛ kan ?
Argaz:-Acu n lxiṛ! Tmerret-aγ ddunit, ur ttεeṭṭileγ ara fell-ak, usiγ-d nniγ-as ma ad afeγ γur-k kra n yidrimen aql-i uqeεeγ ?
Aḥbib-is:-Acu a k-inniγ? Muqel kan taqbuct-nni.
Argaz icfa γef umkan-is yuzzel, iddem-itt-id, isekcem afus-is, yaf-itt d tilemt,
inna-yas:-Ulac daxel-is acemma, ur ufiγ ara!
Aḥbib-is:-Tikkelt tamenzut i teskecmeḍ afus-ik tufiḍ neγ ala?
Inna-yas:-Ufiγ.
Aḥbib-is:-Ih, lemmer id-terriḍ ayen tebwiḍ ass-a a ten-id-tafeḍ di teqbuct-nni.
Taggara.
Ihi amdan ilaq γas taggara nneγ yiwet d ttamettant, s win isεan s win ur nesεi kra, ilaq ad yissin amek ara iseddu lecγal-is, ma illa cceṛ i ttaweḍ armi i issen abrid-is, lxiṛ abrid-is ilha issutur leḥder d ṣṣbeṛ, win iččan lamana neγ ixdaε lemḥiba taggara-s d yir tagwnitt, acku ma ğğan-k widen ilhan d acu id ak-d-iqqimen?
Yeḥya Yanes. (Yahia Yanes)