Aṭas n yemdanen, gar yimeɣnasen, isdawiyen d tdukliwin-nniden, i d yerran i teɣi n tdukla « Association Taos et Jean El Mouhoub Amrouche », akken ad d-sseknen lɣid-nsen mgal addad neɣ liḥala ideg yella uxxam anda lulen sin-a n yimeɣnasen d yimussnawen. Akka ihi i d-mlalen yiɛeggalen-a akk sdat n nuxxam n Lwilaya n Bgayet, ass-nni n letnayen yezrin, akken daɣen ad gren tiɣri i yemḍebren n lwilaya, akken wiki ad ḥadren ɣef uxxam-a yellan d azamul n tutlayt d yidles Imaziɣen. Axxam-a, daɣen, yesduri sin yimeɣnasen n timunent n Lezzayer deg tallit-nni i trad mgal d Fransa. Ihi, « …Amezruy n Iɛemrucen ur ilaq ara ad iruḥ deg tatut…Axxam-a yewwi-d ad yettexdem akken ur yettrab ara, sin akkin imḍebren ad t-jerden deg tgemmi taɣelnaw.t.. », aya d cwiṭ gar yimeslayen i yuran deg tebrat i d-yeɣra uselway n Tdukla n Tawes d Lmuhub Jean Amrouche mass Σmiruc.A ar tagara n tigawt-nsen i umi ssaramen ad d-yerr lwali n Bgayet.
Samir At Buɛza