Yecna Uleḥlu ….

Partager

Mebɣir cekk ɣer tama n Ɛli Ɛemran, Zimu, Ulahlu yella gar icennayen imeynuten n taqbaylit i d yewwin ṛṛuḥ ajdid i ccna n taqbaylit. A c.d ines aneggaru « Mass Sarkuzi » yettmal‑d anect‑a. Xemsa n tezlatin yellan deg‑ s ufararent‑d ɣef ayen nnum nesmeḥsis‑as yakka uqqbel, ama deg uɣanib n ccna neɣ deg isental I d‑yawwi. Deg akka tizlit tamezwarut “viva l’Algerie” Ulaḥlu yesneɛat‑d s uḍad ugguren n tmurt tteɛraḍen kra a d‑teddarin s sebba n dabax uḍar akked d ttikin n tarbɛat taɣelnawt n Lẓẓayer ɣer lmundiyal n unebdu‑agi. Tizlit tis snat d tajmilt I tmeṭṭut temmeqrant iqazzmen lḥif seg asmi d tlul alrmi d temeqqer : Massa Faḍma Ait Manṣur. Tajmlit id ‑as yerra Ulehlu tella‑d s wawalen yeččuren d tayri, s wawalen deg tettfegid talsa akked d yiseɣ. Deg tizlit “Mass Sarkuzi” d tiɣri nyelmeẓyen yenḥafen di tmurt‑nsen, ur d nnufi abrid i yimal I d‑yegger deg abdil‑nsen Uleḥlu s yifyar yeččuren d reffu akked d ugriwel. Tizlit tis rebɛa teqqer : “ssusemt… ssusmet ala neqqen s tsusmi”. Tizlit agi I deg yal awal yettceliḥ di ṣṣura d urfan‑is i d‑yesmar mgal tamettent n Mezian mis n Ferḥat Imziɣen imula yettwenɣan di Franṣa yernu awal ur d yelli fell‑as sɣur inaɣmasen n tmurt‑nni. Ma d tizlit taneggarut “Slilwan” mebɣir cekk d nettat yakk i‑iṭtfen lewelha ɣer ɣur‑s imi d seg assen deg i d‑yessufeɣ lunis Ait Mengullet tizlit‑is “ si lxedma n luzin s axxam”’ ɣer ass‑a ur ‑aɣ thuz ara taɣect am wakken id aɣ thuz tizli‑agi yecna Ulehlu s yiwen udem yeswhamen. Kra yellan deg tazlit‑agi yemǧazi akken ad‑as immud ṛṛuh i‑as iwulmen. Akken awal ad yeddu d uhiḥa akked d sḍa n teɣect. S tazlatin:ag yakk meṛṛa tesemlaleɣ Uleḥlu d ccna I nḥamel.

Ait Slimane Hamid

Partager