Deg ass weqbel aneggaru n tikli-is »Akka i d amur » di tmurt n Leqbayel,acennay ilemẓi Σli Σemran yecna i lpiblik-is i d-yusan s lqewwa deg uxxam n yidles n temdint n Bgayet.Wid i d-yusan γer tmeγra-ya akk-nsen ceḍḥen rnan ceyyxen s tezlatin-is timelḥanin i wumi d-yerna cbaḥa umusiqi Yuba s tgiṭart-is.Ger wid daγen d-yerzan γer tmeγra-ya,udem mucaεen n rradyu tis snat mass Areẓqi Σezzuz,netta yemmeslay-d i lpiblik γef yiswi n tikli-ya »Akka i d amur »,yerna daγen inced-iten-id γer tmeγra n taggara i d-yellan di tesdawit n Ḥesnawa di Tizi-Wezzu deg ass n 08/06/2010 yellan daγen d ass aγelnaw n unaẓur.Ger wayen i yaγ-d-yenna Σli Σemran mi nemmeslay yid-s qbel ad tebdu tmeγra: »Ḥemleγ ad rzuγ γer temdint n Yemma-Guraya ».Mebla ccek mazal ad d-yuγal ad yecnu di temdint-a iḥemmlen akk yiqbayliyen.
Mokrane Chikhi