Taviṭamint B3 (Taviṭamint PP)
tesɛa azal ameqqṛan deg tlalit n tezmert di tfekka, akken tettserriḥ iẓuran n yidammen. Lexṣaṣ-is di tfekka yeslalay-d aṭṭan n la pellagre. Taviṭamint B5 (Acide pantothénique) d nettat i yekkan deg unerni n tesririn n wallaɣ. Tessexdam-itt tussna aṭas deg udawi n ɣelluy n ucebbub, imi tessijhid-it seg yiẓuran.
Taviṭamint B6 (Pyridoxine)
tetteḥwiǧ-itt tfekka deg ddeqs n leqdicat n tassemt d tepṛutinin.
Taviṭamint B8 (Biotine)
azal-is d alqayan deg tlalit n tviṭaminin B9 akk B12.
Taviṭamint B9 ( Acide folique)
d taviṭamint yettwassnen aṭas, imi lexṣaṣ-is yeslalay-d lqella n yidammen (anémie) d lahlakat n yiẓuran n lḥess. Tikwal, lexṣaṣ-is di tallit n tadist yettili d ssebba n ɣelluy-is neɣ tikkwal diɣ talalit n llufan anɛaybu.
Taviṭamint B12 ( Cobalamine)
azal-is icuba mliḥ ɣer win n tviṭamint B9.
Taviṭamint C (Acide ascorbique)
d taviṭamint yettekin deg tlalit n yiwen usafar amaṛkanti tettaḥwaǧi tfekka; asafar n le collagène.
Acu n wučči i deg ttilint tviṭaminin-a?
Yeṭṭuqqqet wučči yesɛan tiviṭaminin-a, d acu kan s umata, taviṭmint A, D, E d K ttilint di tmellalin, ayefki, ttruḍegga, tasa, lḥut n lebḥer, lxeḍra tazeggzawt, iqcer n tčinat akked lfakya.
Taviṭamint C tettili ddeqs deg lfakya, ma d tiviṭminin B1, B2 d B12 ttilint aṭas deg ubiṣar, aksum, timellalin d uyefki. Ma d taviṭamint B3 teṭṭuqqet deg les céréales d ubiṣar akked taswin.
Taggara
Tazmert n umdan tcudd aṭas ɣer wučči yelhan, yesɛan ddeqs n tviṭaminin labeɛda win meẓẓiyen imi azal-nsent d ameqqṛan akken i t-id nebder s ufella. ɣef waya ilaq ad yettextiṛi s telqay učči-s d win n warraw-is.
Dali Salima