Ddurt-agi yezrin, ass n 07 yulyu 2010, imezdaγ n taddart n Buxyar di temnaḍt n At-Zikki, γelqen axxam n tγiwant s teγzi n yiwen wass. Tamentilt n tmesbanit-agi d uguren i ttidiren imezdaγ n taddart-agi, ayen yecban yiwen n ubrid icudden taddart-agi n Buxyar γer tγiwant n Wizgan, akked lixsas n waman.
Yuγ lḥal, aselway n tγiwant n Wizgan d uselway n tγiwant n At-Zikki mmeslayen γef wugur-agi n ubrid i ten-yeccerken, ṣṣawḍen ufan-d tifrat i useggem n ubrid-agi.
Maca, imezdaγ n taddart n Buxyar nnan-d mazal ar tura ur-xdimen ara abrid-agi, d ayen i ten-yeǧǧan fγen-d iwakken ad-begnen lγiḍ nsen zdat wannect-a,γelqen axxam n tγiwant akken imḍebren i teεna temsalt ad d- rren lwelha nsen iwakken ad d-afen tifrat i uguren-agi..
Islam Bessaci