Hakim Allaoua, d ilemzi, ilul deg useggas 1976 deg tɣiwant n Uqbu, yeɣra deg uɣerbaz alemmas amaynut iwumi qqaren tura Yusef Ben Berkan, syin akkin yexdem asileɣ deg waddal akked umahil-is deg yiwen n lweqt. Akka tura d aselmad de CFPA u d aselmad n lkarati i warrac. Yebda ilemmed addal deg useggas, yewwi la première dan ɣer ORB Akbou deg useggas 1994 ma tis snat (2e dan) deg useggas 1997 s lmendad n yisleɣmayen ijupunen. Xelqen-d Tiddukkla SAMA (Sport et art martiaux d Akbou) deg useggas 2004, syin wwin-d arraz aɣelnaw amezwaru n teqcicin (cadette), amekkan wis tlata deg useggas 2006. Am wakken teṭṭef yiwet n teqcict-nniḍen amekkan wis tlata (Kumité individuel). Ma deg useggas 2013, ṭṭfen amekkan amezwaru deg talɣuɣa n Lezzayer (Kata-équipe) deg tzeqqa n Harcha. Yewwi-d, diɣ, yiwen unelmad arraz-nniḍen s timmad-is. Ɣer tama n Allaoua Hakim, tella tmeṭṭut-is Fouzia i yesɛan (2e dan) i d-yewwin arraz wis sin deg telɣuɣa n Lezzayer deg useggas 2004, tesselmad arrac imecṭaḥ, ma d netta yesselmad wid itekken deg temsizzilin u yettheggi akka tura (4e dan). Ma ɣef wamek i yessaweḍ ad yexdem sin yimahilen, aselmed akked waddal yenna-d Mass Allaoua : ‘’ aselmed n lkarati, yettili-d timeddiyin n wass akked taggara n ddurt, ma d aselmed di CFPA am nekk am ixeddamen. Bedduɣ ɣef 8 n sbeh, ttfakkaɣ ɣef 4 n tmeddit. Yuεer ad tent-tjemεed di snat, d acu kan yuɣal ɣer tuddsa n wakud n umdan. Nεeggu aṭas, d acu arrac-a uklalen ad yerr walebεed lwelha ɣur-sen’’.. Gar yinelmaden i d-yewwin arrazen, ad nebder : Ourtilane Fazia, Cherdouh Ldjida, Ourtilane Souhila, Ourtilane Yuba, Benadjaoud Lehlou, Mezrani Lekehel d wiyaḍ…
Hakim Ibaliden