Awi-d ukan ma ur yettfakka wawal ɣef wayen yelhan. Ayen i la ixeddem tura, d yiseggasen-a ineggura, unalas (conteur) Fares Idir deg wannar n yimecṭaḥ, yejbed-d awellih n kra n win yerran ddhen i yidles. Seg Tmurt n yizwawen, ɣer yicawiyen, rnu ɣer uneẓruf, ur yeǧǧi mmi-s n Udrar n Fad amḍiq ideg ur d-yenṭiq s « macahu » akken ad as-d-yuɣal « ahu ». Aṭas n tmucuha ihi i d-yessawal deg tirziwin i uḥraz n tgemmi-a turtangawt (patrimoine immatériel). Am tikkelt-a iɛedddan, yella Fares Idir deg Bni Saf, yekka-d si Wehran, anida yemlal d tarwa n twilayin-a. Syin, yuɣal-d ɣer Ayt Smaɛel ad ilaqa arrac n temnaḍt s ubrid i d-tenjer tdukkla Tiɣri ukud yezga, iqeddec s twizi. Imi dɣa aql-it gar yimeltaɣen urmiden n tdukkla-a. «Yesɛa azal wannect-a ɣur-i, ladɣa imi ahat imir-a, d nekk i d analas awḥid deg tmurt n yizwawen seg tama n yirgazen». I d aɣ-d-yenna Fares send ad d-yernu: «Ugar n usiwel n tmucuha tiqburin, seqdaceɣ diɣen adawi apsikuluji yis-sent, imi sɛiɣ agerdas deg wannar-a n tnefsit n warrac». Akka tura mazal ttraǧun Fares Idir ttiɛadat-nniḍen ussan-a. Afud yeḥlan !
Mhenni Khalifi