Agerruj n tayri n Rachid Adjrane

Partager

Akka, am yal tikkelt, tamkerdit n tmaziγt tettnerni s yidlisen i d-yettefγen. Deg wussan yezrin, d Rachid Adjrane, i d-yernan azru n lebni n tutlayt-a s yiwen n wammud n yisefra i d-yessufeγ. Azal n 18 n yidrisen iwumi yerna tasuqqilt s tutlayt tafransist. Deg yisefra-agi, ad naf ahric ameqqran yurez γer tayri, degmi dγa i as-yefka azwel n ugerruj n tayri. Ma neɛred akka ad nγer kra seg-sen, ad naf dakken Rachid d win thuz atas taluft-a n lehmala, imi di yal tikkelt yettarra llum γef yiman-is amzun akken ur yesɛi ara zher. Ayen akka yura umedyaz n Tubiret, ur yehbis ara dagi, maca iruh mebɛid i wakken ad d-yessukk tamuγli-s γef yisental-nniden. Lγerba, tin akken ijerhen taswin, tessebɛad ulawen, yefka-as azal deg wawal-is. Tamaziγt, tin akken ɛzizen fell-as, yerra-as azal deg usefru mi d-yenna : ‘’d kemmini i icebbhen iles-iw’’. Taggara, d lmehna i d-yebder Rachid, imi d tin i yezgan tessikir deg yimdanen almi ttawden ttidiren deg lmerta.

Smail M.

Partager