Yal mi ara d-yezzi Yennayer, ad d-teddu yid-s tiɣri n Tdukkla Tadelsant Adrar n Fad i tmedyazin d yimedyazen. Ihi, i lmend n teẓrigt tis 15 n tfaska n tmedyezt tamaziɣt, d tajmilt i Dda Lmulud n At Mɛemmer, tessawal tdukkla i kra n wid yesseqdacen awal – ama d wid iwulfen timlilit neɣ d imaynuten – ma bɣan ad kkin deg umsizwer ansayan. Yal amedyaz yessefk-as kan ad d-yazen kraḍ seg yisefra-s imaynuten, i werǧin yekki yis-sen deg walbɛḍ n tfaskiwin, ɣer yiwet seg snat n tansiwin-a: ama s ubrid n umayel, ɣer: [email protected]. Neɣ s ubrid n tesreqqest (la poste) ɣer: TIDUKKLA TADELSANT ADRAR N FAD Cidex 03, B.P 105 – Ait Smail – 06044 – Bgayet. Ad d-ddun yid-sen yineɣmisen udmawanen, am yisem, uṭṭun n usiwel d tansa. Yuɣ lḥal, ilaq ad ilin yisefra ttwarun s tira tamaziɣt tamirant, ad d-ttwaceyyɛen send azemz-a: 26 deg furar 2017. Ma yella win yesran i wugar n yisallen, yezmer ad yesteqsi iɛeggalen n tdukkla s tilifun, ɣer wuṭṭunen-a. 034 39 00 90. 0541 29 41 52. Akked 0552 26 24 47. Ad d-nesmekti dakken taẓrigt-a tis mraw d semmus ad tili s lmendad n yiwen n umussnaw n tutlayt tazwawt/tamaziɣt Mass Kamal Buɛmara. S wakka ira Udrar n Fad ad yerr tajmilt s wudem-nniḍen i urgaz-a i d-yeddan d iseggasen akked tdukkla, i iqeddcen ayendin ɣef yidles azwaw, neɣ amaziɣ, s umata.
M. K