Tettwanec Linda Koudache ɣer rrephba n udlis ara yilin deg tmurt n Fransa, ass n 19 deg yibrir i d-iteddun, anda ara temlil d waṭas n yimyura imaziɣen n tmurt n Lmerruk akked Tunes. Deg rreḥba-a, ad ilin yidlisen s tlata n tutlayin. Ma ɣef tinnubga-agi, tenna-d Linda Koudache : ‘’ tasekla ur tesɛi ara tilisa, d tagnit i wid yeqqaren s tmaziɣt ad mlilen, ad mbaddalen tiktiwin’’. Atas i yellan dinna ttarun s tefransist. Tajmilt ad tuɣal i tmurt n Lezzayer, ad ilin isaragen ɣef tsekla n tmurt n Lezzayer. D tagnit, diɣ, i Linda Koudache i wakken ad temlil akked yimeɣriyen-is iɣriben i wakke ad senz adlis-is aneggaru ‘’Tamacahut taneggarut’’ i yewwin arraz n Assia Djebbar. ‘’Atas i d-lemdaɣ si temliliyin-agi, ḥemmleɣ-tent aṭas’’, i d-tenna temyarut-agi. Ad tili rrehba–agi tis 23 deg Hôtel de ville, deg-s ara d-iban leqdic n tira n yimyura ama n Lezzayer , wid yettidiren dinna neɣ mmuten, neɣ wid yettidiren deg Lezzayer. Am wakken ara tili, daɣen , d tajmilt i yimyura izzayriyen yettidiren deg Fransa. Llan wid ara d-smektin am Tahar Djaout , Nabil Fares , Hamid Nacer khodja d wiyaḍ…
Z.A.Y